JEREMIA 31:27 - Khumi Common Language Bible

²⁷ “Kai, Areng my, Israela pri hawi Juda pri y khumichi, tawnbawichi kawi hai nai neng kaimy tym hai ai,” napi.

JEREMIA 31:27 ပူးပေါင်းရင်းမြစ်များ

SAM 107:41

Na i py mymy ly khumi kamawnchi ai ngari kamtangra i nai atleu iy, nichi i yhm dengtheungchi ai, beram kanghuchi kamta peung hai ai.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

Ezekiela 36:10

Nangchi Israela cheng verei y khumi peung hai ai. Nangchi ly marychira y awm u ai i, phra seaungkhrang nai ngiereichi ai py sa palum u teang ai.

Ezekiela 36:11

Kai ly khumi hawi tawnbawichi peung hai ai. Nangchi ly cho chanauchi neangneang sa u ai. Jangni i kamta awm ai nai kang pei ai. Jangni tleaung y nang chawn hai ai. Huna nai khala kai ly Areng ne, nanai nangchi pany u ai.

Ezekiela 36:9

Kai ly nangchi ai kang dawn hai iy nangchi mang y asa hai bo. Nangchi ai li hlauchi lop pan hai takengkei iy, amti amjangchi pati hai ai.

HOSEA 2:23

Kai ly kaimy i khumichi ai pri theung y awm hai iy, nichi ai nang chawn hai ai. Kai ly “tamen y” nanai amyn angam nai khumichi ai tamen ai. “Kai i khumichi ny y” nanai amyn angam nai khumichi ai kaimy ‘Nichi ly kai i khumichi ne’ nanai thui iy, nichi my, “Mymy ly kaichi i Tameuh ne,” nanai thui u ali teang ai.

ZEKHARIAH 10:9

Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

Leu Thui Nai 30:9

Nangchi ly hini reita cha-iu theung y tajiu nai reita leu pei nai ngiereichi ai patawm iy, Areng teng y paleung hawi verei ahihawi baly, mymy ly nangchi i sa naira tleirei y amtheaung hai ai; nangchi ly cho chanau neangneang sa u ai; si, beram hawi tawnbawi neangneang nang u ai.