JEREMIA 31:25 - Khumi Common Language Bible

²⁵ Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

JEREMIA 31:25 ပူးပေါင်းရင်းမြစ်များ

SAM 107:9

Mymy ly tui ahai naichi ai tui kanghai dam hai; kajeu alam naichi ai, ati mo hawi parai naichi hawi kajeu kawi hai bo.

SAM 23:3

Mymy ly kai ai atho kangtha ang pei; mymy i adeu pi nai kamta, lam kateng mang y ang pahawi bo.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 40:29

Mymy ly paha nai, akawm nai khumichi ai atho pei nai ne.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

Ezekiela 34:14

Mawi saleungra i acha baichi hawi, Israela pri apu parai nai sui tlaira y chymme pa-rei tlai hai ai. Sui kahawichira y ambeu hai iy acha heng-a nai sui tlaira y tlai hai ai.

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

LUKA 1:53

Kajeu alam naichi ai ly ati mo hawi parai nai hawi kajeu ang kawi hai bo; Kanangchi ai ly beng tlairei pato veng bo.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

II KORINTH 7:6

Na i py tahm anem naichi ai awm hai nem nai keung Tameuh my ly Tita ang jeu nai deaungkho y kaichi ai ang awm hai nem bo;