JEREMIA 31:22 - Khumi Common Language Bible

²² Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

JEREMIA 31:22 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

JEREMIA 2:18

Vai, nang ly Naing tavo tui nei ai nai Aikupta pri y chei nai ly kamran awm ai, nanai athang khai a? Euphrat tavo tui nei ai nai Asuria pri y chei nai ly kamran awm ai, nanai athang khai a?

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 3:4

“Vai, nang ly kai teng y, ‘Nang ly kai i ampo ne; deaungdichy khala i ka-so kai ai tamen nai ne.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

JEREMIA 49:4

Ka-ym by y nai khumi chengchi awi, nangchi ly ati mana nai y amlyh u mo? Nangchi ly atho bai u bo. Nangchi ly ati mana nai y nangmychi i sa thai naira haiho ai a-ym iy, ‘Achi ai ami my py ang tiu vam ai ny y,’ nanai thui u lawh mo?

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

HOSEA 4:16

Israela khumichi ly kry rai nai si nu tanglo kamta, paleung tang u cheng lawh. Kai ly nichi ai beram chochi kamta, sui tlai naira y mana kry pajau ai mo?

HOSEA 8:5

Samari mary i khumichi chiu u nai muku si katai myn ai kapaso nai ne. Kai ly nichi tlang tleaung y kado theu bo. Nichi ly mana khala py, myn chiu nai khai u su ai mo?

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

Kati Nai 16:30

Na i py Areng ly thai vai y nai sai sairei sa iy, nichi hawi vanrei nichi i vawnsaichi ai khaileaung my pajawn vui ai i, nichi ly kangheng tang my dei baly, nichi ai Areng my pajeng nai ne, nanai pany u ai,” napi.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,