JEREMIA 31:14 - Khumi Common Language Bible

¹⁴ Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

JEREMIA 31:14 ပူးပေါင်းရင်းမြစ်များ

2 NENG SATANG 6:41

Aw Areng Tameuh, vai ang thau iy, nang i sa thai nai ka-ma-ra Leu Maikawm Pawm hawi vanrei, Achura yhm theung y jeu ly deungtasarei awm jo ba. Nang i khumichi ly mymychi nga nai pahen naira molam y, amo theu u sy.

NEHEMIA 10:39

Israela chengchi hawi Levi theaungchi ly amti amjang, kreip hang, olive asitui talam nai ai, Achura yhm ateaung alangchi khai naira y kalop amsi nai pathyp pi nai keungchi, Achura yhm tamcheaung typ nai risachi hawi Achura yhm y katyn kapau beu kawp naichi i awm nai takun theung y syn pi ai. Kaichi ly kaimychi i Tameuh yhm khai su ai ny y.

SAM 107:9

Mymy ly tui ahai naichi ai tui kanghai dam hai; kajeu alam naichi ai, ati mo hawi parai naichi hawi kajeu kawi hai bo.

SAM 132:16

Hini mary i pathyp pi nai keungchi i, sa nai ngiereichi ai amtheaung hai ai; mary i khumichi py amo theu nai khulym thui aeu u ai.

SAM 132:9

Nang i pathyp pi nai keungchi ly kateng lam so u jojo sy; nang i khumichi ly amo theu parai naimy aeu u sy!

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

SAM 63:2

Meingtym kachaira y nang ai niu ai nai, kai ai pei kyh ba; nang i sa thai naira hawi phum-ang niu ai nai pei kyh ba.

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

SAM 63:6

Kai ly ira salo y aseaung nai thym y, nang ai pany jo ai; vumtorei nang i satang adawn pasym naimy kaawm bo.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 85:13

Leu meitang ly Areng i mo kamtheung ne i, jeu ai nai lam sa pi rym ai.

SAM 90:14

Kaichi ly heng nai ryrei, khulym thui naimy amo theu u pajau ai nai, khawn tleirei kaichi ai nang i khaw parai nai tamen naira avum hai kyh ba.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

JEREMIA 50:19

Israela khumichi ai mymychi i pri mang y kaimy pahawi ali teang ai. Nichi ly Karamela mawi saleung hawi Bashan meingtym y pati nai amti amjangchi cha u ai. Ephraim hawi Kilead khu ka-peangchira y prau nai amti amjangchi ai, bym pa-rei cha ai nai nga u ai.

Ezekiela 34:14

Mawi saleungra i acha baichi hawi, Israela pri apu parai nai sui tlaira y chymme pa-rei tlai hai ai. Sui kahawichira y ambeu hai iy acha heng-a nai sui tlaira y tlai hai ai.

HAKAI 2:19

Nangchi teng y chohpui chomaw by y bo i, kreip keungchi, thaidu keungchi hawi olive keungchi py athai y leang rai. Na i py kai ly vai i dengdairei, nangchi ai amtheaung naira pei ai,” napi.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

Leu Thui Nai 33:23

Naphtali theaung ai patyp iy thui nai ly: “Naphtali theaung ly Areng i pahen nai saho y amtheaungra neangneang nga bo. Nichi i khu ka-peang ly Kalili ang i ka-so tokalawi mang y khrairei kau.”

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.