JEREMIA 31:13 - Khumi Common Language Bible

¹³ Hunaibaly chaniu anglochi ly amo theu naimy lam u ai. Miteaung hawi thawndeangchi py, amo theu u sau ai. Kai ly nichi ai awm hai nem ai i, nichi i vo tangam nai ly amo theu naira mang y, nichi i paleung mawn nai ly kawn nai hawi amo theu naira mang y lawm hai ai.

JEREMIA 31:13 ပူးပေါင်းရင်းမြစ်များ

EZARA 6:22

Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.

NEHEMIA 12:27

Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

ESTHER 9:22

Huni kanichi ly paleung ka-echi ai Juda chengchi my tamyh nai kanichi ne. Huni lo ly nichi paleung si paleung mawn naira i nai paleung amo theu naira mang y amtlau vui nai lo ne. Hunai deaungkho y nichi ly huni kanichi tleirei y amo theu nai pawichi sa u iy, mymychi tengtawi py, khumi kamawnchi ai py, teicha teinei langseaungchi pei pi u ai nai ne.

SAM 126:5

Mei katui tla naimy amti amjang pati nai khumichi ai ly amo theu parai naimy amti amjang pakym achu ai nai pei pi kyh ba!

SAM 148:12

thawndeangchi hawi anglochi awi, miteaungchi hawi deaungdichi awi, mymy ai palo u.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 30:11

Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 60:20

Kai, Areng ly nang i vui kanito, lochi tleaung y akan keh nai deungtasa kangvang lawm ai. Hunaibaly nang i vo tangam nai kanichi ly kheih vui ai.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

TARA CHIH NAI KEUNGCHI 21:21

ajeng u jo. Siloh mary i neampachychi ly pawi y chei ai nai, lam naimy ang jeu u ai. Huna nai khala y kreip akhochira i nai theu u iy, nangchi hawi apom ai nai khrei nai neampachy ai patiu ly Benjamin pri mang y hawi u.