Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 31:10 - Khumi Common Language Bible

10 Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

အခန်းကိုကြည့်ပါ။ ကော်ပီ




JEREMIA 31:10
43 ပူးပေါင်းရင်းမြစ်များ  

Nichi ly pangli peang jeungrei hawi tlawnchira y awm nai khumichi i amsi pajochi ne. Japheth i kangpreangchi ly cheng takhra, pri takhra, leu takhra naimy amprei akyhkyh iy awm u bo.


Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.


Areng ly kai i beram typ keung ne i, kai ai ang kry bo; naibaly kai ly ngai nai ryreichi nga nai ne.


Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.


Yhmtheaung katui ly akan y nai deaungkho y, nang i beram kanghuchi hawi, si kanghuchi ai kawp nai ryrei kry ba. Ati mana nai mo nabaly saleaung khutengchi malawn py, deungtasa khaw jo, nanai by y.


Dei kamthum khumichi ly amo theu naimy khulym thui u ai. Nidym mang i khumichi ly Areng i nang parai nai sai pany hai iy,


Huni neng khala y Areng mymy kypkyp ly Euphrat tavo dengdai Aikupta pri khujyh tym pa-rei, mymy i khumichi ai leaungrei bo y leaungrei ai lathli iy, choh kahawi hawi choh hawi y nai ai khai takhra nai kamta, khai takhra ai.


Nangchi i Tameuh my, “Kai i khumichi ai paleung pahawi u; nichi ai paleung pahawi u!


Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.


Tameuh my, “Nangchi kamlo prichi awi, tyn kryh y naimy kai i leu tangai u! Nangchi i molam jeung y tym ai nai angvei u rym; Nangchi ly akhi nai leu thui ai nai nga u ai. Ami i teng mo, nanai chih pi ai nai achi angym u sina.


Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!


Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.


Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.


“Kai ly nangchi ai tanareichy kang khai su teu i py, tamen naira len parai nai hawimy, kang la ali teang ai.


Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.


pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.


Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.


Kai i leu tangai nai beram typ keungchi ai, nangchi teng y kang pei ai. Nichi ly nangchi ai cheng naira hawi, pany thai naira hawimy peang u ai.


Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.


Israela khumichi ai mymychi i pri mang y kaimy pahawi ali teang ai. Nichi ly Karamela mawi saleung hawi Bashan meingtym y pati nai amti amjangchi cha u ai. Ephraim hawi Kilead khu ka-peangchira y prau nai amti amjangchi ai, bym pa-rei cha ai nai nga u ai.


Naibaly kai Areng my leu pei nai ly “Nichi ai kamlora i cheng takhrachi hawi vanrei awm ai nai pato iy pri takhra y ahei hai teu i py, kani tanarei sala nichi awm naira y nichi hawi vanrei kai kaawm ai.


Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.


Kai i miseaung Davida ka-tawm samrang ly nichi i samrang lawm ai. Nichi bawibawi ly beram typ keung leaungrei i anui y amkawm u i, kai i reita leuchi ai ka-ym awm parai naimy kry iy kai i leu pei nai tangai u ai.


Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”


Phyrei ai ly Jerusalem mary y katanmeuh nai neng tem nai khala mary theung y mai veang. Takhra phy harei ai lo ly mary theung y amki iy haisau hawi tawpbaw pawn. Vai phy harei ai ly ali theung y pakheang veng. Kai ly huni phyrei ai pareng iy haisau hawi kalei ai.


Naibaly ni ly pangli sahawi i prichi ai tiu iy, pri neangneangchi ai tiu nai pajau ai. Na i py pri takhra mang i tavailu leaungrei ly ni ai tiu nai pajau vui ai. Ni i paleung len amlyh nai py, anawn hai vui ai. Suria samrang ai ni i paleung len amlyh nai molam y, kangji nga hai ai.


Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.


“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.


Areng my, “Kaimy kapajeng nai, pri pala naira avum nai khumichi ai, kaimy kalym kalawi teang nai neng ly tym ai nai kasa bo.


Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.


Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.


Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.


“Kai ly kaimy i khumichi ai palau iy kachu ai. Khumichi ai atleu iy jangni i kamta khumichi peung hai ai.


Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.


Huni neng kani tym nai khala, beram typ keung ly beram kanghuchi ai ka-jeira i nai atleu nai kamta, nichi i Areng ly mymy i khumichi ai atleu ai. Nichi ly areng lukhymra i vang kateng lengseaungchi kamta, mymy i pri y kangvang sangso angvang ai.


Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.


Kai i beramchi ly kai i raawi thai, kai py nichi ai kapany, nichi py kai teng y abang u i,


Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.


Nangchi ly khaileaung pri meingtym tleirei y ahei akyhkyh teu i py, nangchi i Areng Tameuh my pangym achu iy,


Kai ly nichi ai katamyh keng ai i, khumi ami py nichi ai pany jo ai ny y leang bo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ