JEREMIA 30:3 - Khumi Common Language Bible

³ Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 30:3 ပူးပေါင်းရင်းမြစ်များ

EZARA 3:1

Saryh lo tym nai khala y Israela chengchi ly mymychi i marychira y khuteng chah naimy awm u bo. Naibaly nichi ly Jerusalem mary y angym u i,

EZARA 3:12

Achura yhm kangngym niu vai nai saneng kalen pathyp pi nai keungchi, Levi theaungchi hawi nupaichira y lu sa nai khumi neangneangchi ly huni Achura yhm leng amteaung nai niu nai khala y vo hang u. Na i py phyrei khumichi ly amo theu nai aeu u bo.

EZARA 3:8

Hunai deaungkho y nichi ly Jerusalem mary Achura yhm sa nai meingtym y tym u ali teang nai saneng, pa-nyh lo y, Achura yhm sa nai kalop amteaung u. Zerubabela, Josua hawi amjo amnauchi, pathyp pi nai keungchi, Levi theaungchi dengdairei amteaung iy, Jerusalem mary y tym u ali teang nai pri pala nai cho bawibawichi ly sa amteaung nai kalopra y abawi u.

SAM 126:4

Aw Areng, kanitui ly tui kang nai tavo micheaungchi ai tui kawi hai teang nai kamta, kaichi ai nang chawn ai nai pei ali teang kyh ba.

SAM 53:6

Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 27:11

Na i py mani khumi cheng ly Babulon samrang teng y tamawi aseih iy, miseaung y achei bo. Huni khumi cheng ai kai ly mychi i pri y, li hlau sa naimy awm ai nai pei ai. Hini ly kai Areng i thui nai leu ne,” napi.

JEREMIA 27:22

Huni yhmtheaung katuichi ly Babulon mary y syn iy, hunichi ai kaimy adawn ali teang nai neng tym y ryrei ly huni mary y awm jo ai. Naibaly kai ly huni yhmtheaung katuichi ai, huni meingtym y katym hai ali teang ai. Hini ly kai Areng i thui nai leu ne,” nanai leu pei nai thui pi bo.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 30:4

Israela khumichi hawi Juda khumichi teng y, Areng my hina nai kamta leu pei nai ne.

JEREMIA 31:16

Nang ly vo nai anawn iy nangmy i mei katuichi py tamui. Chanauchi i vui y nang i sa nai bawibawichi ly jawm sum ai ny y. Huni khumichi ly paleung ka-echi pri i nai ang vawi u ali teang ai,” napi.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 31:27

“Kai, Areng my, Israela pri hawi Juda pri y khumichi, tawnbawichi kawi hai nai neng kaimy tym hai ai,” napi.

JEREMIA 31:31

Areng my, “Kai ly Israela khumichi, Juda khumichi hawi Leu Maikawm kangtha asa nai neng tym ai.

JEREMIA 31:38

Areng my, “Mary pui verei ai Hananela angdeangra i ka-so, mary taki i katheu pa-kho khrairei, palum teang ai nai neng ly ang tym ai.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 32:44

Khumichi ly lichi van iy ka-jo ka-van sa nai sumneang chachi ai, pany hai nai keungchi i mo y lamai nip iy pajawp typ nai ka-ma-ra nip typ ai. Nichi ly hini atitichi ai Benjamin khu hawi Jerusalem mary tengpang sahawi i avangchira py, Juda pri marychi hawi avangchira py, mawitleaung pri, mawi kheutang hawi tokalawi ngan Juda prira py, ka-jo ka-van sa u ai. Kai ly khumichi ai mychi i pri y kapahawi ali teang ai. Kai, Areng i leu pei nai ne,” napi.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 51:60

Kai ly Babulon mary i avum ai nai phra naira ngiereichi py, Babulon molam y takhra atitichi py, cha aeang hareira tajiu pi nai ne.

Ezekiela 20:42

Nangchi i amsi pajochi teng y kaimy pei ai adeu nai Israela pri mang y nangchi ai kang pahawi nai khala, kai ly Areng ne, nanai nangchi pany u ai.

Ezekiela 34:13

Pri takhra mang i nai pakym chum baly nichi ai mymychi awm nai pri y palau teang ai. Kai ly nichi ai Israela mawichi hawi tavo micheaungchi mang y hawi iy, sui tlai nai kahawichira y kapacho ai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

Ezekiela 47:14

Kai ly nangchi i amsi pajochi teng y hini pri amtym ai nai pei ai, nanai vaineng adeu nai kamta vai, nangchi ly huni pri ai kangngeng riri aphy u.

JOELA 3:1

Areng my, “Huna nai khala kai ly Juda pri hawi Jerusalem mary y nang chawn hai teang ai.

ZEPHANIAH 2:7

Dei kamthum Juda khumichi ly nangchi i pri peang vui ai. Nichi ly huni meingtym y beram kanghuchi typ naimy, Asakelon mary i yhmchira y i u ai. Nichi i Areng Tameuh ly nichi hawi vanrei awm iy, nichi ai kahawi palum teang ai.

ZEPHANIAH 3:20

Ahei dan nai nangchi i chengchi ai mychi i pri mang y hawi ali teang nai neng tym ai! Kai ly nangchi ai khaileaung pri verei y amthang hai ai. Nangchi ai nang chawn hai teang ai,” napi. Hini ly Areng my thui pi nai leu ne.

LUKA 17:22

Naibaly mymy ly abangnaichi teng y, “Khumi i Chapo heng nai khala i kanirei niu ai ngai nai neng awm ai, na i py niu ai ny y leang bo.

LUKA 19:43

Nang ai tiu naichi ly nang ahawi y apai sa iy ang katanmeuh ai i, nangchi theu thai y ai nai ang awm pi khyp ai.

LUKA 21:6

“Nangchi i hini atiti niu nai ly panawi y nai lengseaung tleangleang nai ly hi y ha py awm ai ny y; huna nai kani tym ai,” napi.

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.

Leu Thui Nai 30:5

nangchi i amsi pajochi awm reng nai pri y peang ali teang pajau ai nai ang pahawi ali teang ai. Huni bo y nangchi ai nangchi i amsi pajochi tleaung y nang chawn hai ai i, khumi vuikanai py nawi tleaung nawi hai ra ai.

HEBRAI 8:8

Naibaly mymy ly nichi ai padeng nai, “Khen cham, neng ly tym ai bo, nanai Areng my napi. Kai ly Israelachi dengtheung hawi Judachi dengtheung teng y ly Leu maikawm kangtha kakhai ai: