JEREMIA 30:21 - Khumi Common Language Bible

^21-22 Nichi ai peang ai nai khumi ly mychi theung i nai theu ai. Nichi i samrang py mychi theung i nai theu ai. Kaimy palau nai khala, huni khumichi ly kai teng y ang jeu tapai ai. Kaimy palau y naimy, ami nai ly kai teng y jeu vam ai mo? Nichi ly kai i khumichi lawm u iy, kai py nichi i Tameuh lawm ai. Hini ly kai Areng i thui nai leu ne,” napi.

JEREMIA 30:21 ပူးပေါင်းရင်းမြစ်များ

ATITI AWM ANGCHEI NAI 18:27

Abraham my, “Areng, nang teng y vam parai naimy kang takeng veangveang nai ly kai ai pahen kyh. Kai ly khumi teu i, takeng ai nai py ataing y leang.

ATITI AWM ANGCHEI NAI 18:30

Abraham my, “Aw Areng, pahen parai naimy kado theu moh kyh ba; kai kang takeng bi ai nai ngai. Hu y khumi kahawi leaung phairei awm khyh lawh baly mana sa ai mo?” napi. Nimy, “Khumi kahawi leaung phairei awm khyh i py taphra y leang mang,” napi.

ATITI AWM ANGCHEI NAI 18:32

Abraham my, “Aw Areng, pahen kyh, kado theu moh kyh ba; hini tlenrei kang takeng bi ai. Khumi kahawi leaung horei awm khyh lawh baly taphra ai a?” napi. Nimy, “Leaung horei awm lawh baly taphra y leang mang,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

2 SAMUELA 7:13

Ni ly kai i vui Achura Yhm sa ai nai nga ai. Kai ly ni i samrang atehra khaw hai jojo ai.

EZARA 2:2

Nichi i lu sa nai keungchi ly Zerubabela, Josua, Nehemia, Seraiah, Relaiah, Modekai, Bilashan, Misapa, Bikavai, Rehum hawi Baanachi ne. Hinichi ly pri pala nai chochi i vawi ali teang nai Israela cheng theaungchi i nupai vuikanai ne.

NEHEMIA 7:2

Naibaly kai ly Jerusalem mary y peang ai nai kaimy i amjo amnau Hanani hawi yhm ka-sang kry nai keung Hananiah nini teng y kalop au nai ne. Hananiah ly ka-ym awm nai khumi, Tameuh ai khri pa-rei jei kaji nai khumi ne.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 89:29

Ni i pri ly kani khusang kamta khaw hai ai; ni i katu chanauchi ly samrang lawm jojo ai.

THEU NAI 3:5

Tameuh my, “Sahawi y jeu moh; nang angdo nai meingtym ly kachai ne i, phainai aleng la.”

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

JEREMIA 33:15

Huni neng kani khala ly Davida kangpreang theung i leu meitang teaung nai leaungrei vawi patyp pi ai. Ni ly pri verei y leu meitang adyh adawi ai naichi sa ai.

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

JEREMIA 50:44

“Kai Areng ly Jordan tavo jeungrei ra y awm nai daichi kabeng theung i dengdairei, heng-a nai acha bai mang y theu piu nai khrangsi kamta, theu iy Babulon khumichi ai mymychi mary i nai, vaimy kaparyh ai. Huni bo baly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Mani samrang ly kai ai awi pajau ai mo?

Ezekiela 37:24

Kai i miseaung Davida ka-tawm samrang ly nichi i samrang lawm ai. Nichi bawibawi ly beram typ keung leaungrei i anui y amkawm u i, kai i reita leuchi ai ka-ym awm parai naimy kry iy kai i leu pei nai tangai u ai.

HOSEA 1:11

Juda pri khumichi hawi Israela pri khumichi ly amkawm u ali teang ai. Nichi ly mychi i vui lu sa nai keung leaungrei vawi takhra u ai. Nichi ly mychi i prira y nang chawn u ai. Jezarela i kani ly kani kalen lawm ai,” napi.

Kati Nai 16:40

Aron i kangpreang ny y nai amimi py Areng teng y rimui mui katui leng patlum ai nai maicham mang y tapai ngau y, nanai kheupaja khym my Israela chengchi ai pany hai nai ne. Hini reita ai patawm y nai khumi ly korah hawi ni i nithun abang naichi kamta dei u teang ai. Eleaza ly Mosi dengdairei Areng my leu pei nai ngiereichi sa nai ne.

Kati Nai 16:5

Naibaly ni ly korah hawi ka-bangchi teng y, “Khawndam khawn mang y, Areng my ami ai vawi takhra nai mo, nanai ang patei pi ai. Areng ly mymy vawi takhra nai khumi ai mymy i maicham sahawi y chei hai ai mang.

MATTHAI 2:2

“Judachi i samrang tapen nai ly ma mang y mo? Kaichi ly nisi mang y mymy i ka-si niu i, mymy ai chiu ai nai kang jeu nai he,” napi.

MATTHAI 27:37

“Hini ly Isu, Judachi i samang ne,” nanai tajiu iy, mymy i lu leung y bi bo.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

Leu Thui Nai 17:15

Areng my vawi takhra nai khumi ai naini, samrang palyn ai nai tla. Ni ly nangmychi cheng theung i ne ai nai tla; cheng takhra khumi ai samrang palyn ai nai avo y.

Leu Thui Nai 18:18

Kai ly nichi i cheng theaung theung i dengdairei nang ka-tawm amo leaungrei pato pi ai; kaimy ni teng y kaimy leu pei nai ngiereichi ai ni ly khumichi teng y thui pi pateang ai.

Leu Thui Nai 33:5

Israela cheng theaungchi hawi luchi akachu u nai khala, Areng ly mymy i khumichi i samrang lawm bo.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

I JOHAN 2:2

ni ly achi i kamngochi ahui nai langseaung syn naira ne; achi i harei khyh py ny y i, khaileaung pri bawibawichi i vui py ne teang.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.