JEREMIA 30:18 - Khumi Common Language Bible

¹⁸ Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 30:18 ပူးပေါင်းရင်းမြစ်များ

1 NENG SATANG 29:1

Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

NEHEMIA 7:4

Jerusalem mary ly kau parai teu i py, mary theung y awm nai khumichi ly di parai; yhmchi py neangneang so u y leang rai.

SAM 102:13

Nang ly ang thau iy Zion mary ai pahen ai; huni mary ai pahen ai nai nang ly tym bo; vai i neng ly avo khyp nai neng ne.

SAM 102:14

Nang i miseaungchi ly Zion mary phra veng teu i py, huni mary ai khrei nai awm u asai rai; Zion mary phra seaungkhrang veng teu i py, huni mary ai pahen u asai nai ne.

SAM 122:7

Nang i mary apaichi theung y tlamsa naira awm iy, nang i samrang yhmchi theung y py, chymme naira awm sy,” napi.

SAM 48:13

Huni mary i apaichi ai ma-kheng iy, amtangrachi ai py khen u.

SAM 48:3

Huni mary pui i amtangrachi theung i mymy teng y chymme naira awm, nanai Tameuh my patei pi bo.

SAM 78:69

Huni mawi salo y kani pri mang i yhm atawm nai Achura yhm sa nai ne. Huni Achura yhm ai khaileaung kamta, deung kangthau khrairei khaw hai bo.

SAM 85:1

Aw Areng, nang ly nangmy i pri ai pahen ba; nang ly Israela chengchi ai nang chawn hai teang bo.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

ISAIA 44:28

Kai ly Kuru samrang ai py, ‘Nang ly kai i jeng y peang ai nai keung ne. Nang ly kai i sa ai tau naichi sa ai nai tla, Jerusalem mary palum teang ai nai hawi Achura yhm langdengchi leng ai nai tla, nanai leu kang pei,” napi.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 31:38

Areng my, “Mary pui verei ai Hananela angdeangra i ka-so, mary taki i katheu pa-kho khrairei, palum teang ai nai neng ly ang tym ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 31:40

Khumi kadei veuchi up nai hawi, anyn angso aphi nai leaunghawi verei py, nisi ngan keaungngo katheu pa-kho khrairei, Kidron micheaung ka-neang i angdym angdeang bawibawi py, kai i vui meingtym kachai lawm ai. Hini mary pui ai ly mana khala py, panawi iy taphra bi ai ny y,” napi.

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:44

Khumichi ly lichi van iy ka-jo ka-van sa nai sumneang chachi ai, pany hai nai keungchi i mo y lamai nip iy pajawp typ nai ka-ma-ra nip typ ai. Nichi ly hini atitichi ai Benjamin khu hawi Jerusalem mary tengpang sahawi i avangchira py, Juda pri marychi hawi avangchira py, mawitleaung pri, mawi kheutang hawi tokalawi ngan Juda prira py, ka-jo ka-van sa u ai. Kai ly khumichi ai mychi i pri y kapahawi ali teang ai. Kai, Areng i leu pei nai ne,” napi.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

JEREMIA 46:27

“Kai i khumichi awi, jei u moh, Israela khumichi awi, kaso tahyn theu u moh. Nangchi ai langheng y hawi iy dei u ai nai pri, huni pri kamlora i dengdairei, nangchi ai kaimy atleu ai. Nangchi ly vawi u ali teang iy tlamsa naimy awm u ai. Chymme naira awm ai; ami my py nangchi ai ka-jeira tym hai ai ny y.

JEREMIA 49:39

Na i py mo mang y Elam pri khumichi ai nang chawn hai ali teang ai. Hini ly kai, Areng i thui nai leu ne,” napi.

JEREMIA 49:6

“Na i py mo mang y kai ly Ammon khumichi ai, nang chawn hai teang ai. Hini ly kai Areng i thui nai leu ne,” napi.

Ezekiela 36:11

Kai ly khumi hawi tawnbawichi peung hai ai. Nangchi ly cho chanauchi neangneang sa u ai. Jangni i kamta awm ai nai kang pei ai. Jangni tleaung y nang chawn hai ai. Huna nai khala kai ly Areng ne, nanai nangchi pany u ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

ZEKHARIAH 1:12

Naibaly kani pri amtaw thau nai my, “Aw ati cheaungkhang sa thai nai Areng, Jerusalem mary hawi Juda marychi ai nang i kado theu nai ly saneng vui saryhrei awm bo; huni marychi ai pahen y naimy, mana tanrei awm jo ai mo?,” napi.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

ZEKHARIAH 12:7

“Kai, Areng ly Juda tavaimichi ai eaung naira pei manme ai. Hinai kamta Davida i katu chanauchi hawi, Jerusalem mary i khumichi nga ai nai tahm awm nai ly takhra Juda chengchi i tahm awm nai tleaung y asang ai ny y.

ZEKHARIAH 14:10

Tosyh mang y awm nai Keba mary dengdairei, tokalawi mang y awm nai Rimon mary y khrairei, Jerusalem mary tengpang sahawi i khaileaungchi adyh ai nai padyh u ai nai tla. Jerusalem mary py tengpang sahawi i khaileaungchi tleaung y asang naimy awm ai. Hini mary ly Benjamin apai katheu dengdairei, katheu kangngym awm nai mary taki i apai katheu khrairei py, Hananela yhm ka-sang dengdairei, samrang i yhm, kreip athai nipra angawmchira y khrairei py awm ai.