JEREMIA 30:17 - Khumi Common Language Bible

¹⁷ Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 30:17 ပူးပေါင်းရင်းမြစ်များ

JOBA 5:18

Tameuh ly mymy i no pei nai tamo kalemchi ai kanih hawi bam pi. Mymy ly my i kiu hawi pajeng iy, huni kiu hawimy no hawi hai bo.

SAM 103:3

Mymy ly kai i kamngo bawibawichi palawi pi iy, kai i no-na bawibawichi py, hawi ang sa pi nai ne.

SAM 107:20

Mymy ly leu pei iy nichi ai no hawi hai chum baly, tapreaung angawm i nai atleu pi bo.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 142:4

Kai i sahawi y khen nai khala y kai ai sabawm ai nai keung leaungrei ai py kaniu y; ama hai nai keung leaungrei py by y. Ami py kai ai dawndan y bo.

SAM 23:3

Mymy ly kai ai atho kangtha ang pei; mymy i adeu pi nai kamta, lam kateng mang y ang pahawi bo.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 54:6

Israela chengchi awi, nangchi ly juvo my khai su nai deaungkho y, khri pa-rei paleung bi nai, saneng nau nai aju hawi atawm. Na i py Areng ly nangchi ai palau ali teang ai.

ISAIA 56:8

Mymy i khumichi ai pri pala naira i dengdairei, mychi i pri y palau ali teang nai Areng ly takhra khumichi ai py, huni khumichi hawi vanrei amkawm iy awm ai nai pahawi ai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

JEREMIA 10:20

Kaichi i taichi ly anawi seaungkhrang iy, thang nai vuichi py leu pawn bo. Kaichi i cho chanau bawibawichi malawn py, kaichi teng i nai preang u pawn bo. Kaichi i taichi sa pi palai teang ai nai leaungrei py by y. Tai kanihchi jang pi ai nai khumi leaungrei py by y bo,” nanai aeu u.

JEREMIA 17:14

Aw Areng, nangmy hawi sa pi khala naini, kai i no-na ly hawi pyn ai. Nangmy atleu pi baly kai ly chymme naira angym pa-rei nga ai. Nang ly kai my palo nai keung ne.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 30:13

Nangchi ai kry ai nai khumi leaungrei py by y. Nangchi i tamo kalem vui py asi by y nai daeungkho y, nangchi ly nangmychi i no-na hawi ai nai molam y athang khai naira by y leang bo.

JEREMIA 33:24

“Kai ly kaimy i vawi takhra nai Israela yhm dengtheungchi hawi Juda yhm dengtheungchi ai khai su bo, nanai khumichi my thui u nai ly nang pany a? Nichi ly hina nai kamta kai i khumichi ai mei aniu y nai sa iy, khumi cheng harei malawn py palawn u y bo.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

TANGAM NAI LEU 2:15

Mary aki aleaung nai khumichi ly mei aniu y nai sa iy kiu tabeang u. Nichi ly lu heang naimy Jerusalem mary kaphra ai panui hai paryp u bo. “Khrei ai hawi parai nai mary ly hini mary lawh a? Khaileaung pri i vui tahm awm hai nai mary ly hini mary a?,” nanai panui hai.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 35:12

Huna nai khala Israela mawichi ly khumi angso savai tlang nai, huni meingtym ly kaichi my tiu lawm nai meingtymchi ne, nanai nangchi thui tamawn nai leuchi ai, kai Areng ly thai bo, nanai nangchi pany u ai.

Ezekiela 36:20

Nichi i tym naira tleirei y khumichi my, ‘Hini khumichi ly Areng i khumichi ne; na i py mymy i pri i nai theu u ai nai tla,’ nanai thui u nai deaungkho y, kai i amyn kachai ly tahm by y na bo.

HOSEA 11:3

Na i py kai naini Israela tako kawp ai nai, patiu pi nai keung ne. Kai ly nichi ai kiu hawi tapawm nai ne. Na i py kai ly nichi ai palum pi, nanai nichi pany y.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

AMTENG HAI NAI 22:2

Naibaly huni jangpang hi mang vai py hu mang vai py athai amjy holai nyhrei, lo tleirei y athai nai heng naira dengkeaung awm: huni dengkeaung i ngam ly cheng cheaungkhangchi ai hawi sa pi ai nai khai nai ne.