JEREMIA 30:15 - Khumi Common Language Bible

¹⁵ Nangchi ly nangmychi i tamo tha thai y nai molam y, tangam u reng moh jau. Nangchi i kamngo ly nawi parai iy, nangchi ly khri pa-rei hawi y ala nai deaungkho y, kai ly nangchi ai, hina nai kamta kang pajeng nai ne.

JEREMIA 30:15 ပူးပေါင်းရင်းမြစ်များ

EZARA 9:13

Kaichi ly kaimychi i kamngo nai molam y hina tanrei pajeng naira avum u teu i py, aw kaichi i Tameuh, nang ly kaichi i tlang tleaung y pajeng ai nai avo khyp teu i py, nang i pahen nai saho y tlang vui tem hai y nai ne, nanai kaichi pany.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JOBA 34:6

Ni my, “Kai ly tamang y pui naimy tamang, nanai mana ka-chawi thui lawh thai ai mo? Kai ly dei ai nai pa-rei no nga teu i py, kamngo by y nai khumi ne,” nanai thui bo.

SAM 107:17

Phyrei khumichi ly mychi i kamngo molam y no patang u; mymychi i sa tamang nai molam y, ngari kamtang avum u bo.

ISAIA 1:6

Kheupadawi dengdairei lu tym pa-rei, nangchi i tlang bom verei ly tamo kalem chym y na bo. Abei ako nai tamochi, tamo kangtha, kangngymchi hawimy kawi nai ne. Huni tamo kalemchi ai pasawp iy kanih hawi bam y rai, asi py so y rai.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 30:16

Vai ly nangchi ai ang pajawn nai khumi bawibawichi ly pajawn naira avum u iy, nangchi i paleung ka-e bawibawichi ai py, langheng y hawi u vui ai. Nangchi ai pahyp y naimy ana nai khumi bawibawichi ly mychi naimy pahyp y naimy ana naira avum u iy, nangchi ai tiu nai khumi bawibawichi py, tiu naira avum u ai.

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 46:11

Aikupta pri khumichi awi, Kilead pri mang y chei iy, asi akhangchi hau u! Nangchi i asichi ly dau by y. Nangchi i no-na hawi hai pajau y leang.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

TANGAM NAI LEU 1:5

Ni i paleung ka-echi ly ni ai pajau i, nichi i peang nai anui y khai bo. Ni ly kamngo neangneang sa tamang i, Areng ly ni i tlang tleaung y, ngari kamtang tym hai nai ne. Ni i cho chanauchi ai ly patiu pawn iy, langheng hawi vui bo.

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

TANGAM NAI LEU 3:39

Achi ly amychi i kamngo molam y pajeng naira avum nai thym khala, ati mana nai y tangam u lawh ai mo?

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

MIKHA 1:9

Samari mary i tamo nga naichi ly kahawi so thai y leang. Juda pri py huna nai taham kasi avum ai. Kai i khumichi awm nai Jerusalem mary apai katheuchira y ka-jeira tym ai,” napi.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.