JEREMIA 30:14 - Khumi Common Language Bible

¹⁴ Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 30:14 ပူးပေါင်းရင်းမြစ်များ

JOBA 16:9

Tameuh ly kado theu nai deaungkho y, kai i kiu kheuchi ai leng pawn veng bo. Mymy ly niu ngai y nai paleung hawi, kai ai khen kalingie nai ne.

JOBA 19:11

Tameuh ly khri pa-rei kado theu na i, kai ai ly mymy i hawi y keh nai paleung ka-e kamta ang khai.

JOBA 30:21

Mymy ly kai ai pahyp y naimy ang sa bo; sa thai naira awm nai ngierei hawimy ana bo.

SAM 107:17

Phyrei khumichi ly mychi i kamngo molam y no patang u; mymychi i sa tamang nai molam y, ngari kamtang avum u bo.

ISAIA 57:13

Nangmychi ai ang sabawm ai nai nangchi aeu u nai khala y, huni mynchi my nangchi ai atleu pi na sy! Hunichi ly ali tlenrei aho baly akheang pawn ai nai teu! Na i py kai ai ym nai khumichi ly mychi i saleaung khutengra y awm ai nai nga iy, kai i Achura yhm kachaira y kai ai chiu u ai,” napi.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 22:20

Jerusalem mary i khumichi awi, nangchi i amsawi amnaichi ly tavai sum u ai. Hunai deaungkho y nangchi ly Lebanon mawi saleung y lyn u iy kahau u. Bashan pri mang y chei iy aeu u. Moba pri mawichi salo mang raawi pajeng parai naimy kaau u.

JEREMIA 22:22

Nangchi ai lu sa nai keungchi ai ly ali y pakheang pawn ai. Nangchi i amsawi amnaichi ly langheng y patiu nai avum u ai. Nangchi i sa nai hawi y nai saichi molam y nangchi i mary ly tahm anem iy kangji nga ai.

JEREMIA 30:15

Nangchi ly nangmychi i tamo tha thai y nai molam y, tangam u reng moh jau. Nangchi i kamngo ly nawi parai iy, nangchi ly khri pa-rei hawi y ala nai deaungkho y, kai ly nangchi ai, hina nai kamta kang pajeng nai ne.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 32:30

Israela hawi Juda khumichi ly jangni khala i ka-so, kai i ngai y nai atitichi naini sa u lawh. Israela khumichi ly mychi i sa nai mynchi hawi, kai ai kado theu hai u bo.

JEREMIA 32:34

Nichi ly kai i amyn y sa nai Achura yhm theung y amso ngai hawi nai mynchi khai iy chai nem hai y bo.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 38:22

Juda samrang i yhm y awm rai nai neampachy ngiereichi ai, Babulon samrang i bangtangchi teng y hawi u vui ai. Nichi ly hina nai theu u nai thym khala, ‘Samrang i ahawi hawi keh naichi ly ni ai li-tapawp iy, ni i tlang tleaung y peang rau bo. Vai ly samrang i kheuchi ly aneaung kapan theung y a-up vui bo i, huni ahawi kahawichi ly ni ai khai u su bo,’ nanai thui u ai,” napi.

JEREMIA 4:30

Aw Jerusalem mary, nang ly taham si! Nang ly ati mana nai ateaung kamsen jeaung amthyp lawh mo? Ati mana nai y vang kateng lengseaungchi amthyp iy, nang i meichi ai an pathym lawh mo? Nang ly nangmy ai atyhtyh naimy ka-pu sa lawh ly! Nang i tavawichi my nang ai ang khai su veng bo. Nichi ly nang ai padei ai nai ngai u nai ne.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 50:42

Nichi ly mychi i thailihochi hawi haisauchi atheu u bo. Nichi ly pahyp y naimy ana iy kapahenra by y nai khumichi ne. Nichi i keaungngo muiken katynchi ly pangli tui kamsau katyn hawi atawm nai ne. Nichi ly Babulon mary y tiu ai nai aeng u yb bo.

JEREMIA 6:23

Nichi ly thailihochi, tivichi pa u bo. Nichi ly pahyp y naimy ana iy, pahen naira by y nai khumichi ne. Keaungngochi atang iy ang jeu nai khala y, nichi i katyn ly pangli tui kamsau katyn hawi atawm. Nichi ly Jerusalem mary y tiu ai nai angveirym bo.”

TANGAM NAI LEU 1:19

“kai ly kaimy i amsawi amnaichi teng y kasabawmra hnei teu i py, nichi ly akhi u nai ne. Pathyp pi nai keungchi hawi mary i lu sa nai keungchi ly mymychi heng ai nai i vui y teicha teinei hau u nai thym y, lamchira y dei u bo.”

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

Ezekiela 23:22

“Huna nai y Aholiba awi, nang teng y sa thai naira angym nai kai, Areng my leu pei nai ly: nang ly hini tavawichi ai paleih na lawh teu i py, kai ly huni khumichi ai palau pi ai. Nichi ly nang ai kado theu iy ang katanmeuh ai.

Ezekiela 23:9

Hunai deaungkho y ni i khrei nai Asuria cheng tavaimichi teng y, ni ai kaimy au nai ne.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

OBADIA 1:7

Nangchi i amsawi amnai asa naichi ly ang tapawp iy, nangchi ai nangmychi pri i dengdairei ang patheu pawn bo. Nangchi hawi vanrei tlamsa naimy awm nai khumichi my vai, nangchi ai peang vui bo. Nangchi hawi vanrei cha nei u nai ahawichi ly nangchi i vui deaung pateung u bo. Nichi ly nangchi i molam y, hini khumichi i tau cheng nai ly ma mang y tym pawn mo? nanai thui u nai ne.