JEREMIA 30:11 - Khumi Common Language Bible

¹¹ Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 30:11 ပူးပေါင်းရင်းမြစ်များ

SAM 6:1

Aw Areng, kai ai kado theu hai iy parip moh kyh ba! Kado theu iy pajeng moh kyh ba!

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

JEREMIA 10:24

Aw Areng, nang i khumichi ai thui parip kyh ba. Na i py kaichi i tlang tleaung y kado theu hai moh kyh ba. Nang i kado theu hai nai thym khala y, kaichi i tlang tleaung y khri pa-rei pajeng lawh baly, kaichi ly tama be ai bo.

JEREMIA 15:20

Nang ly huni khumichi ai amtang pajau ai nai, kai ly nang i kheupaja apai kamta lawm ai. Nichi my nang ai ang tiu u teu i py, nang ai tiu pajau ai ny y. Nang ly chymme pa-rei awm thai ai nai nang ai kry iy, kai ly nang hawi vanrei awm ai,” nanai Areng my thui nai leu ne.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

JEREMIA 5:18

Areng my, “Huni neng kanichi khala malawn py, kai i khumichi ai katamyh be ai ny y.

TANGAM NAI LEU 3:22

Areng i khei pajau y nai tamen naira hawi pahen naira ly

Ezekiela 11:13

Kai ly huni leu pei naichi thui pi nai thym khala y, Benaiah i chapo Pelatiah ly atlym i dei bo. Huna nai khala kai ly khaileaung y tabiu naimy ambeu vui iy, “Aw sa thai naira angym nai Areng! Nang ly awm rai nai Israela cheng ngiereichi ai tamyh pawn ai bo a?,” nanai aeu naimy thui pi nai ne.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

HOSEA 11:9

Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

AMTAW 18:10

kai ly nang teng y kang awm chy bo, nang ai no hai ai nai nang i tlang tleaung y ami i kiu py tym y leang mang, ati mana nai mo nabaly hini avang y ly kai i khumi neangneang awm,” napi.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

II TIMOTHEI 4:22

Areng ly nang i phailo teng y awm sy. Pahenra ly nangchi teng y awm sy.