Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 29:8 - Khumi Common Language Bible

8 Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

အခန်းကိုကြည့်ပါ။ ကော်ပီ




JEREMIA 29:8
36 ပူးပေါင်းရင်းမြစ်များ  

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.


Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.


Areng my, “Hini amochi ly kaimy pato y i py thui u nai ne. Nichi teng y ati leu sai py pei y i py, kai i amyn y leu thui u bo.


‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.


Mymychi i amsi pajochi ly kai ai tami vui iy ala tameuh ai chiu u nai kamta, nichi ly mychi i thui nai amangchi my, kai i khumichi ly kai ai tami hai pajau ai, nanai nichi athang khai u lawh.


Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.


Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,


Kai ly Jerusalem mary i dengdairei Babulon mary y Nebukhadnezar my langheng y hawi nai pathyp pi nai keungchi, amochi, lu sa naichi hawi khumichi teng y cha harei kapa pi nai ne.


“Mipui nangchi my, achi i vui Areng ly Babulon mary y amochi ang pei bo, nanai thui u.


“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.


Hini ly nichi i vui khym taham lawm ai; ati mana nai mo nabaly khri pa-rei kamngo sa u nai deaungkho y ne. Nichi ly ami i aju chanauchi ai taphra u iy, Areng i amyn y ka-chawi leu thui u bo. Huna nai sa naichi ly Areng i kangai hawi amlau y. Mymy ly nichi i sa nai saichi ai chaipyn pa-rei pany nai keung ne. Hini ly kai, Areng i thui nai leu ne,” napi.


Babulon chengchi ly ang jeu u takengkei ai. Hunai deaungkho y nichi ang jeu u ali teang ai ny y, nanai nangchi i ka-dawn tamang y ai nai, kai Areng my kang pany hai nai ne.


amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”


Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.


Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!


“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.


Huni neng tym nai khala, mani mo amo py, my i paleung mei y niu nai molam y am-e ai ny y. Amimi py amo i sa nai kamta sa ai ny y; li-tapawp ai nai molam y amo i ateaung py amthyp ai ny y.


Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.


Naibaly ni my ly, “Nangchi ai ang tapawp y ai nai tau tleaung y awm u; ati mana nai mo na balykhumi neangneangchi my, ‘Kai ne he,’ ‘Neng ang tym bo,’ nanai kai i amyn angam nai ang jeu ai; nichi teng y ly abang u moh.


“Khumi bawibawichi my ang palo nai khala y nangchi ly taham si! Hunai kamta nichi i amsi sangumchi ly tapawp nai amochi i tlang tleaung y sa nai ly.


Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.


hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.


Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.


Ami py sai py nangchi ai tapawp ai nai pei u moh: atlym naira ly tym man veng iy Reita Taphra Nai, tama nai i chapo ly amteng y baly huni kani ly tym ai ny y.


Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.


Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.


Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.


Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ