JEREMIA 29:27 - Khumi Common Language Bible

²⁷ Khumichi teng y amo amlawn iy leu thui nai Anatho mary i Jeremia ai, nang ly ati mana nai y thui parip y lawh mo?

JEREMIA 29:27 ပူးပေါင်းရင်းမြစ်များ

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

JEREMIA 1:1

Hini cha-iu theung y Jeremia i thui nai leuchi abawi nai ne. Ni ly Benjamin khu, Anatho mary y awm nai pathyp pi nai keung Hilkiah i chapo ne.

JEREMIA 29:26

“Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

Kati Nai 16:3

Nichi bawibawi ly Mosi hawi Aron i mo y jeu achu u iy nini teng y, “Nangni i sa nai sai ly rawn ala bo! Israela cheng bawibawichi ai Areng my vawi iy, Areng ly khumi bawibawichi hawi vanrei awm nai ne. Huna nai y Mosi ly ati mana nai y Areng i khumi mipuichi theung y amymy ai tahm apasang lawh mo?” napi u.

MATTHAI 27:63

“Areng awi, huni tapawp nai keung ly mymy heng nai khala y ly, ‘Kai ly kani thomrei kani y angthau teang ai,’ nanai kaichi ly adawn vau bo.

AMTAW 5:28

“Hini i amyn y leu den py thui moh kang napi khyp be, naibaly khen cham, nangchi i leu patiu nai ly Jerusalem y kawi hai bebe bo:hini khumi i thi py kaichi i tlang tleaung y tym hai ai nai tau u lawh ly,” nanai preng.

AMTAW 5:40

Naibaly mymy i thui nai ly teng napi bo; hunaibaly nichi ly amtaw thau naichi ai palau iy tabeang i, Isu i amyn y den py leu thui y ai nai leu pei kheng iy patheu bo.

II TIMOTHEI 3:8

Naibaly Janni nini Jambri my Mosi ai paka nai kamta ly, huni khumichi py leu meitang ai paka; nichi i paleung phra i, ym naira mang y ati sai py chawn y leang;

JOSUA 21:18

Anatho mary hawi Alamon mary napi nai mary palyhrei hawi vanrei, hunichi i tengpang y awm nai sui tlairachi ai khai takhra pi bo.