JEREMIA 29:26 - Khumi Common Language Bible

²⁶ “Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

JEREMIA 29:26 ပူးပေါင်းရင်းမြစ်များ

2 ARENG KEH 11:15

Jehojada ly Athalia ai Achura yhm apai theung y padei ai nai ngai y i, tavai luchi teng y, “Ni ai tamcheaungchi theung i nai patheu u; ni ai ama hai ai nai atho sa nai ngiereichi ai padei u,” napi.

2 ARENG KEH 11:18

Naibaly khumi mipuichi ly bala i achura yhm taphra u iy, maichamchi hawi mynchi py panawi u pawn. Naibaly maichamchi mo y bala i pathyp pi nai keung Mattan ai py tleh u bo. Jehojada my Achura yhm typ ai nai tamcheaungchi khai chum baly,

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 18:26

Ni ai theaung palo ly kai hawihai palai kang vawi teang nai neng ryrei, tako hawi tui naini pei ai nai khumichi teng y thui pi,” napi.

JEREMIA 29:27

Khumichi teng y amo amlawn iy leu thui nai Anatho mary i Jeremia ai, nang ly ati mana nai y thui parip y lawh mo?

JEREMIA 38:28

Kaimy py paleung ka-echi i kiu y Jerusalem mary tym nai kani ryrei, samrang i yhm apai theung y awm ai nga nai ne.

JEREMIA 38:6

Hunai deaungkho y bangtangchi ly kai ai pahawi iy, samrang yhm apai theung y awm nai samrang i chapo Malakhia i tuikan theung y, vuinawn hawi pala kathiu bo. Huni tuikan theung y ly tui by y, aneaung kapan awm khyh nai deaungkho y, kai ly aneaung kapan theung y a-up nai ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

MATTHAI 21:23

Naibaly mymy ly achura yhm kalen pui y kun nai bo y, atiti patiu nai thym khala y ly pathyp pi nai keung kalenchi hawi, khumi humchi i miteaung kehchi ly mymy teng y chei u i mymy teng y, “Hini nang i atitichi sa nai ly ami i leu y sa nai mo?

MARKA 3:21

Naibaly mymy i ahawichi ly huna nai thai i, “Pathu na a tu ly,” napi nai mymy ai patiu ai tau nai theu u.

JOHAN 10:20

Nawi kyh naichi my ly, “Vawinam my nam nai pathu na a hi ly; ati mana nai ni i leu tangai mo?” napi.

JOHAN 10:33

Judachi my ni teng y, “Atiti sa nai kahawi deaungkho y nang ai lengseaung y aphi y leang; Tameuh ai thui tamawn naira y hawi, nang ly khumi na iy Tameuh amlawn nai deaungkho y teu,” nanai pathang.

JOHAN 8:53

Kaichi i amsi sangum Abraham tleaung y nang len keh a? Ni py dei veng bo, amochi py dei pawn bo; nang ly ami amlawm mo?” napi.

AMTAW 16:24

huna tanrei leu pei nai deaungkho y mymy ly nini ai theaung sala katem i naira y paeung iy, nini i kheuy deaungki thiu hai thleng.

AMTAW 26:11

Naibaly achura yhm tleirei y kapajeng jojo i, thui tamawn hai akhikan ai nai katau; naibaly nichi i tlang tleaung y kai khrikhri pa-rei paleung patheang si parai i, pri takhra i avang y tym pa-rei kaimy ana reng.

AMTAW 26:24

Naibaly mymy ly hunai kamta eaung nai leu thui nai thym khala y Festa ly athorei my, “Pawla, nang ly pathu bo; nang i amtiu nai nawi ala naimy ang pathu hai nai bo tu ly,” napi.

AMTAW 26:25

Na i py Pawla my ly, “Festa kahawi keh awi, kai ly pathu y chy bo; leu meitang hawi amkym ai nai leu kathui nai teu.

AMTAW 4:1

Naibaly nini my ly khumichi teng y leu thui nai thym khala y pathyp pi nai keungchi hawi, achura yhm kalen pui typ nai lu hawi, Saddukaichi py myni teng y tym miu i, khumichi ai leu patiu nai hawi,

AMTAW 5:18

naibaly nichi ly khri pa-rei paleung no i, amtaw thau naichi ai patiu iy khumi humchi i theaung y paeung bo.

AMTAW 5:24

Naibaly achura yhm kalen pui typ nai lu hawi, pathyp pi nai keung kalenchi ly huni leu thai i, “Hini ly mana tanrei ahei ai mo?” nanai nichi i molam y khrikhri pa-rei paleung bi.

II KORINTH 11:33

na i py thaibeng pa-kho mang apai jyh y saipa mang pala kathiu bo, hunaibaly ni i kiu i nai ly katleaung veng bo.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.