JEREMIA 29:18 - Khumi Common Language Bible

¹⁸ Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 29:18 ပူးပေါင်းရင်းမြစ်များ

2 NENG SATANG 29:8

Hunai deaungkho y Areng ly Juda pri hawi Jerusalem mary ai kado theu iy, ka-jeira tym hai naichi niu nai khumi bawibawichi ly athengra na bo. Huni ly nangchi hawihai palai pany u nai ne.

SAM 44:11

Nang ly kaichi ai beramchi kamta tleh hai iy, pri takhra mang y ahei hai bo.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 18:16

Nichi ly hini pri y khumi angso savai tlang nai pri hawi, amso ngai hawi jojo nai pri lawm hai bo. Huni sahawi mang tako prei nai khumi bawibawichi ly dawn tamang tyh iy mychi i lu heng u ai.

JEREMIA 19:8

Kai ly hini mary tlang tleaung y ka-jei awm parai naichi tym hai iy, huni sahawi mang tako nai khumichi ly huni mary i taham si nai niu u panui u ai. Paleung hawi y iy mynkym u ai.

JEREMIA 24:10

Nichi hawi nichi i amsi pajochi teng y pei nai pri y leaungrei ai py kangheng tleaung y pa-rei, kai ly nichi ai tavai takai ka-jeira py, tahum takang hawi no kanghawi py katym hai ai,” napi.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 29:17

Ati cheaungkhang sa thai nai keung Areng my, ‘Kai ly nangchi i tlang tleaung y tavai tiu nai, takang theu nai hawi no kanghawi ka-jeirachi katym hai ai. Nichi cha ai nai ngo y nanai pa-rei veaung nai thaidu athaichi kamta lawm hai ai.

JEREMIA 29:22

Jerusalem mary i dengdairei Babulon mary y pri pala naira avum nai khumichi ly khumi leaungrei ai pasawi patau ai nai ngai lawh baly, ‘Areng ly nang ai Babulon samrang my kangheng tangmy mai y leng nai Zedekiah hawi Ahab nini ai kamta so kalei sy!,’ nanai thui u ai.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 44:12

Juda pri y awm jo rai naimy, Aikupta pri y awm ai nai ka-dawn awm nai khumichi ly leaungrei py tleaung y naimy myh kang hai ai. Katheang kalen takhawi y naimy huni khumi bawibawichi ly tavai takai hawi tahum takangra y Aikupta pri y dei u ai. Nichi ly khumichi i mo y ka-jeira lawm ai. Khumichi ly nichi ai panui hai iy, nichi i amyn py, pasawi patau naira y teaung u ai.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

Ezekiela 12:15

“Kai ly nichi ai pri tleirei hawi khumi cheng cheaungkhangchi theung y ahei hai nai khala, nichi my kai ly Areng ne, nanai pany u ai.

Ezekiela 22:15

Kai ly nang i khumichi ai pri tleirei hawi, khumi cheng cheaungkhangchi theung y ahei hai iy, nang i hawi y sa naichi anawn hai ai.

Ezekiela 23:46

Sa thai naira angym nai Areng my, “Nini i tlang tleaung y jei hyn nai hawi lawm ai nai khrukhra nai khumi kanghuchi ai palau.

Ezekiela 36:19

Nichi i sa nai hawi amhi amtlau nai molam y nichi ai pajeng iy, pri tleirei y amprei phro i, pri takhrachira y ahei hai bo.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

Kati Nai 5:27

Neampachy ly pajang sa lawh baly, ni ly khri pa-rei patangra avum iy, ni i kajeu pobeung naimy, ni i seaunghai py jei paryp ai. Ni ly my i khumichi i vui y taham si hai ai.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:37

Areng my nangchi ai pri tleirei y ahei hai nai khala, huni pri i khumichi ly nangchi i patang nai sai nui iy kaso theu u ai; nichi my nangchi ai panui pachem hai ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.