JEREMIA 29:17 - Khumi Common Language Bible

¹⁷ Ati cheaungkhang sa thai nai keung Areng my, ‘Kai ly nangchi i tlang tleaung y tavai tiu nai, takang theu nai hawi no kanghawi ka-jeirachi katym hai ai. Nichi cha ai nai ngo y nanai pa-rei veaung nai thaidu athaichi kamta lawm hai ai.

JEREMIA 29:17 ပူးပေါင်းရင်းမြစ်များ

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 43:11

Nebukhadnezar ly ang jeu iy Aikupta pri y tiu i, eaung ai. Ni ly no kanghawi y dei ai nai khumichi ai, no kanghawi y dei hai ai. Langheng y hawi ai nai khumichi ai langheng y hawi ai. Tavai keung y dei ai nai khumichi ai, tavai keung y dei hai ai.

JEREMIA 52:6

Huni saneng palyh lo, kani takawrei kani y khri pa-rei cha nei takang nai deaungkho y, khumichi ly teicha teinei pipi by y bo.

LUKA 21:11

Kaleih py khri pa-rei theu ryry ai i, meingtym takhra takhra y takang py theu ai, no nai michi py aki ai, kani mang i dengdairei atiti ka-jei awm naichi hawi ka-ma-ra lyh parai tlai naichi py awm ai.

LUKA 21:23

Huni kani y ly khaileaung pri y khrikhri pa-rei kamtang tym ai nai hawi, hini chengchi i tlang tleaung y kado theu nai tym ai nai deaungkho y py, deaungdi aniu naichi hawi deaungdi kanu kanei naichi ly taham si ai.

AMTENG HAI NAI 6:8

Hunaibaly kai ly khen i, khen cham, keaungngo ka-mang harei awm:huni tleaung y atang nai keung i amyn ly Dei Naira ne: naibaly Tavau Kho ly ni teng y abang bo. Naibaly nini ly haisau hawi, takang theu hai nai hawi, kanghawi kanglai tym hai nai hawi, khaileaung i mawi kasichi ai py teaung iy, khaileaung phy palyhrei ra y phyrei y padei ai nai leu nga bo.