JEREMIA 29:13 - Khumi Common Language Bible

¹³ Nangchi ly paleung hawi verei hau ai nai deaungkho y, kai ai hau nai avum u ai.

JEREMIA 29:13 ပူးပေါင်းရင်းမြစ်များ

1 ARENG KEH 2:4

Nang ly Areng i kangai sa baly, mymy ly kai teng y ang pei nai leu ka-deu ly khaw hai ai. Mymy ly ‘nang i katu chanauchi ly kai i leu pei naichi ai, paleung hawi phailo verei, takhawi y pa-rei tangai iy dawn patyp nai ryrei ly kaimy nichi ai Israela pri peang ai nai pei ai,” nanai leu ang pei.

2 ARENG KEH 23:3

Ni ly samrang yhm i yhmmawm sahawi y angdo iy, “Kai ly nang i leu tangai ai; nang i leu hawi Reita leu pei naichi ai, paleung, phailo, atho bawibawi hawi atyp ai,” nanai Areng hawi leu maikawm asa bo.

1 NENG SATANG 22:19

Hunaibaly nangchi i Areng Tameuh i kalop ra y paleung hawi verei so u. Areng i amyn tahm pasang ai nai Achura yhm so u. Huna khala naini nangchi ly Areng i Leu Maikawm Pawm hawi mymy ai chiu naira y teaung nai takhra vawnsai ateaung alangchi ai, Achura yhm theung y khai ai nai nga u ai,” napi.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 22:9

Jehu ly huni khumichi ai padei be chum baly, khumi phyreichi ai Ahazia ai hau hai bo. Nichi ly Samari mary y aheu nai Ahazia ai niu i, Jehu teng y tym hai. Naibaly Ahazia ai padei u bo. Na i py nichi ly Areng i kalop ai paleung apei parai naimy sa nai samrang Jehoshapha ai tahm khai nai deaungkho y, ni i katu Ahazia i veu ai ly up nai ne. Ahazia yhm dengtheung i dengdairei pri peang ai nai khumi leaungrei py by y leang bo.

2 NENG SATANG 31:21

Ni ly Achura yhm i vui sa nai kalopchira py, Reita leu pei nai ai kry naira py, mymy i Tameuh teng y paleung hawi tlang apei naimy sa nai deaungkho y eaung naira nga nai ne.

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 119:145

Kai ly paleung hawi verei chiu kasa bo; aw Areng, kai ai pathang pi kyh ba; kai ly nang i leu pei naichi tangai ai!

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 119:58

Nang i leu adeu nai kamta, kai ai pahen ai nai paleung hawi tlang verei, kang takeng nai ne.

SAM 119:69

Paleung len amlyh nai khumichi ly kai i satang ka-chawi naimy thui u bo; kai ly reitachi ai paleung hawi verei tangai nai ne.

SAM 145:18

Nang ly nangmy ai paleung hawi verei palau nai hawi, chiu sa nai khumi bawibawichi sahawi y awm.

SAM 32:6

Hunai deaungkho y nang ai ka-ym awm nai khumichi ly aly aeang nai khala, nang teng y chiu sa hnei takeng ai nai avo nai ne. Khrikhri pa-rei ho nai tui ly nichi teng y tym ai ny y.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 50:4

Areng my, “Huni neng tym nai khala, Israela hawi Juda khumichi ly vo naimy mymychi i Tameuh, napi nai kai ai hau u ai.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

MATTHAI 7:7

“Hnei u, naibaly ang pei ai; hau u, naibaly niu ai; takhei u, naibaly ang paeaung pi ai.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.