JEREMIA 29:11 - Khumi Common Language Bible

¹¹ Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

JEREMIA 29:11 ပူးပေါင်းရင်းမြစ်များ

JOBA 23:13

Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

SAM 33:11

Na i py mymy i dawn nai saichi ly mana khala py phra ai ny y. Mymy i patyp nai saichi ly deungtasarei eaung nai ne.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

ISAIA 27:4

Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 24:5

“Babulon mary mang y abang naichi ly thaidu athai kahawichi hawi atawm, nanai Israela chengchi i Tameuh kai, Areng my adawn pasym iy, kai ly neaung hawi parai naimy kry ai.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

TANGAM NAI LEU 3:26

Hunai deaungkho y achi ai atleu ai nai, mymy ai paleung sau parai naimy ajeng nai ly achi i vui hawi keh.

Ezekiela 11:16

Naibaly kai Areng my leu pei nai ly “Nichi ai kamlora i cheng takhrachi hawi vanrei awm ai nai pato iy pri takhra y ahei hai teu i py, kani tanarei sala nichi awm naira y nichi hawi vanrei kai kaawm ai.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MIKHA 4:12

Na i py Areng i dawn yb nai ly mana mo, nanai huni prichi ly pany u y. Choh ati ai nai talangra y kachu nai kamta, mymy ly nichi ai pajeng ai nai pangym achu hai nai nichi pany u y.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.