JEREMIA 28:6 - Khumi Common Language Bible

⁶ “Nang i thui nai kamta tym sy! Areng ly hina nai kamta sa ai nai py kai athang khai! Mymy ly nang i thui nai kamta tym hai takengkei ai nai py, Babulon mary y tawn vui nai Achura yhm i yhmtheaung katuichi hawi, langheng hawi vui nai khumi bawibawichi ai py, hawi ali teang ai, nanai kai ly athang kakhai khyp nai ne.

JEREMIA 28:6 ပူးပေါင်းရင်းမြစ်များ

1 ARENG KEH 1:36

Benaja my, “Nang i leu pei nai kamta kasa pi ai. Nang i Areng Tameuh my py, huni leu pei nai khaw hai sy.

1 NENG SATANG 16:36

Israela chengchi i Areng Tameuh ai palo u! Mymy ai ly vai py, deungtasarei py palo u! Huna nai khala khumi bawibawichi ly “Amen,” nanai thui iy Areng ai palo u nai ne.

SAM 106:48

Israela chengchi i Areng Tameuh ai ly palo u! mymy ai ly vai i dengdai deungtasa khrairei palo u! Khumi bawibawichi ly “Amen,” nanai thui u sy! Areng ai palo u!

SAM 41:13

Israela chengchi i Tameuh ne nai Areng ai ly palo u! Mymy ai vai i dengdai, deungtasa khrairei palo u! Amen! Amen!

SAM 72:19

Amyn nang parai nai ai avawrei palo u! khaileaung pri verei y nang parai nai kawi hai sy. Amen! Amen!

SAM 89:52

Areng ai ly deungtasarei palo u! Amen! Amen!

JEREMIA 11:5

Naibaly vai nichi awm naira, nang chawn hai nai hawi, khaileaung hawi iy amti amjang thawn hai nai pri, nichi i amsi pajochi teng y pei ai nai kaimy leu adeu pi nai py, khaw hai ai, nanai nichi teng y kaimy leu pei yb bo. Kaimy, “Ne, aw Areng,” napi.

JEREMIA 17:16

Na i py aw Areng, kai ly beram typ nai keung kalop khai su nai ny y leang. Ngari kamtang tym ai nai kani kadeaung nai py ny y leang, nanai nangmy pany nai ne. Kai i labeaung mang katheu nai leuchi nang pany.

JEREMIA 18:20

Hawi naira ai hawi y naira my atleu pajau na a? Na i py nichi ly kai tla ai nai hum angawm tai u lawh. Kai ly nang teng y jeu iy nichi ai kado theu hai y ai nai, nichi i jeng y kang takeng nai ly pany pi jo kyh ba.

JEREMIA 28:3

Hini Achura yhm i, samrang Nebukhadnezar my Babulon mary mang y syn vui nai yhmtheaung katui ngiereichi ai, saneng nyhrei sala y hini meingtym y, katym hai ali teang ai.

ZEKHARIAH 6:10

Mymy ly “Pri pala naira avum nai Heladai, Tobijah hawi Jedaih kangpreangchi i pei nai langseaungchi la iy, Zephaniah i chapo Josia i yhm y chei hai praw; hunichi bawibawi ly Babulon pri y pri palara i dengdairei vawi u naichi ne.

Kati Nai 5:22

Hini tui ly nang i taku theung y tym baly kajeu pobeung iy, nang i seaunghai py jei paryp ai,” napi. Hunaibaly neampachy my, “Hini vaineng lawi sy, Areng my kai i tlang tleaung y hina nai kamta tym hai sy,” nanai vaineng abeu ai nai tla.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

I KORINTH 14:16

Ti y baly phailo y nang ly amtheaung hai baly, neangneang pany y naichi i awm naira y awm nai khumi my ly nang i kawn nai leu thui naira y ly leu thai y pui baly, mana Amen napi thai ai mo?

II KORINTH 1:20

Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 19:4

Naibaly miteaung keh leaung apom phai palyhreichi hawi, heng nai amjy palyhreichi py ambeu u i, “Amen. Haleluja,” na naimy areng atehra tleaung y ateh nai Tameuh ai ly chiu u bo.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 5:14

Naibaly heng nai amjy palyhreichi ly, “Amen!” napi. Miteaung kehchi py kheukhu di i meung iy chiu u bo.