JEREMIA 28:11 - Khumi Common Language Bible

¹¹ khumi bawibawichi i mo y kai ai, “Khumi cheng cheaungkhangchi tlang tleaung y samrang Nebukhadnezar i patli nai tamtleang ai, hina nai kamta khei piupa vui ai. Hini ly saneng nyhrei sala y tym ai, nanai Areng my leu pei nai ne,” napi. Huna nai khala kai ly katako veng bo.

JEREMIA 28:11 ပူးပေါင်းရင်းမြစ်များ

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

2 NENG SATANG 18:10

Nichi theung i amo leaungrei, Khenanah i chapo Zedekiah ly tamo taki kamsuichi sa iy Ahab teng y, “Areng my, ‘Nang ly hini taki kamsuichi hawi Suria tavaimichi ai tiu baly eaung ai mang,’ nanai ang napi,” napi.

LEU KACHENG 14:7

Khumi ka-khumchi ai ly asyn u; nichi teng i cheng nai leu thai ai ny y.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

JEREMIA 29:9

Nichi ly kai i amyn angam iy, nangchi ai ang tapawp u nai ne. Kai ly nichi ai kapato nai ny y. Hini ly kai, Areng i thui nai leu ne,’ napi.

Ezekiela 13:7

Nichi teng y hina nai thui pi; nangchi i paleung mei y niu naichi ly kateng ny y iy, nangchi thui yb nai amo leuchi py, ka-chawi leuchi ne. Nangchi my huni leu ai kai i leu pei naichi ne, nanai thui u teu i py, kai ly huni leu nangchi teng y kang pei y leang,” napi.