JEREMIA 28:1 - Khumi Common Language Bible

¹ Huni saneng napi nai, Zedekiah i samrang lyn nai palyh saneng, pa-ngo lo y Azura i chapo Kibeon mary y awm nai amo ananiah ly Achura yhm theung y awm nai pathyp pi nai keungchi hawi, khumichi i mo y Jeremia teng y,

JEREMIA 28:1 ပူးပေါင်းရင်းမြစ်များ

1 ARENG KEH 3:4

Kibeon mary y khri pa-rei amyn amthang nai maicham awm i, kanirei nai khala ly apathyp ai nai huni meingtym y chei bo. Ni ly vaichi khala y py leng patlum nai kapathypra sang neangneangchi, huni maichamra y talam reng nai ne.

2 ARENG KEH 24:18

Zedekiah ly saneng 21rei awm nai khala y Juda samrang lawm i, Jerusalem mary y saneng holai harei peang nai ne. Ni i amhm ly Libana mary y awm nai Jeremia i chaniu Hamutal ne.

2 NENG SATANG 36:11

Zedekiah ly saneng 21 rei awm nai khala y Juda samrang lawm i, Jerusalem mary y saneng holai harei peang nai ne.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 23:28

Amang amang nai amo ly my i niu nai ly amang teu y, nanai thui ai nai avo khyp. Na i py kai i leu pei nai thai nai amo ly huni leu pei nai ai meitang khyp naimy thui pi ai nai tla. Chohnei hawi pata baly choh ali ly ati hawi naira awm mo?

JEREMIA 27:1

Juda pri y Josia i chapo Zedekiah samrang y atheng nai bo y, kra y naimy Areng ly kai teng y leu pei nai ly

JEREMIA 27:12

Kai ly Juda samrang Zedekiah teng y py, hina nai kamta amti pi teang nai ne. “Nang ly Babulon samrang i peang nai anui y tamawi aseih ba. Huni samrang hawi ni i chengchi i miseaung y awm baly tlamsa naira nga ai.

JEREMIA 27:3

Naibaly samrang Zedekiah hawi avum ai nai Jerusalem mary y tym nai savaichi dengdairei, Edom samrang, Moba samrang, Ammon samrang, Turu samrang hawi Sidon samrangchi teng y satang thai hai pi ba,” napi.

JEREMIA 28:11

khumi bawibawichi i mo y kai ai, “Khumi cheng cheaungkhangchi tlang tleaung y samrang Nebukhadnezar i patli nai tamtleang ai, hina nai kamta khei piupa vui ai. Hini ly saneng nyhrei sala y tym ai, nanai Areng my leu pei nai ne,” napi. Huna nai khala kai ly katako veng bo.

JEREMIA 28:17

Naibaly amo ananiah ly huni saneng saryh lo y my dei vui bo.

JEREMIA 28:5

Huna nai khala y kai ly Achura yhm theung y angdo nai pathyp pi nai keungchi hawi, khumi bawibawichi i mo y ananiah teng y,

JEREMIA 29:15

“Mipui nangchi my, achi i vui Areng ly Babulon mary y amochi ang pei bo, nanai thui u.

JEREMIA 36:12

samrang yhm theung i bangtangchi ka-vum sa nai, samrang ai tau pei nai keung i takun mang y chei bo. Huni meingtym y samrang ai tau pei nai keung Elishama, Shemaiah i chapo Delaiah, Akhabo i chapo Elanathan, Shaphan i chapo Kemaria, ananiah i chapo Zedekiah hawi takhra samrang i bangtangchi awm u nai ne.

JEREMIA 37:13

Na i py Benjamin katheu pa-kho y tym nai khala ly Hananiah i katu, Shelemiah i chapo Irijah napi nai tamcheaung my, “Nang ly Babulon chengchi mang y preang nai khumi ne lo-oh!,” napi.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 49:34

Juda samrang Zedekiah samrang lyn nai bo kra y rai khala y, ati cheaungkhang sa thai nai keung Areng ly Elam pri molam y kai teng y leu pei nai ly

JEREMIA 51:59

Maseja i katu, Neriah i chapo Seraiah ly samrang Zedekiah i atawn nai khumi ne. Juda samrang Zedekiah i samrang atheng nai palyh saneng y Seraiah ly Babulon mary mang y samrang hawi vanrei chei ai nai deaungkho y, kai ly ni ai tau maidenrei kapei nai ne.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

JOSUA 10:12

Amori tavaimichi ai Israela chengchi kiu y, Areng my au nai kani y Josua ly “Aw kanito awi, Kibeon mary salo y anawn ba; aw lo awi, Akalon mary leaunghawira y anawn ba,” nanai Israela chengchi i mo y thui bo.

JOSUA 9:3

Hivit chengchi napi nai Kibeon mary i khumichi ly Jeriko mary hawi A-i mary ai mana tiu iy eaung nai mo, nanai thai u nai khala,