JEREMIA 27:21 - Khumi Common Language Bible

²¹ “Jerusalem mary Achura yhm hawi samrang i yhm y daw mai nai yhmtheaung katuichi molam y, Israela chengchi i Tameuh, ati cheaungkhang sa thai nai keung kai, Areng my leu pei nai ly tangai u.

JEREMIA 27:21 ပူးပေါင်းရင်းမြစ်များ

2 ARENG KEH 20:17

nang i amsi pajochi my vaini khrairei pateung pi nai yhmtheaung katuichi py, Babulon pri mang y syn pawn nai neng kani tym ai; ati sai py angdaw pi ai ny y.

2 NENG SATANG 36:18

Babulon samrang ly Achura yhm theung i ateaungchi py, muku tangkachi py, samrang hawi miteaung kehchi i muku tangka ngiereichi py, la pi pawn bo.

EZARA 1:11

Shesabaza ly pri palara y abawi naichi hawi vanrei Babulon pri dengdairei Jerusalem mary y vawi nai khala y muku rahum, tangka rahum hawi takhra vawnsai ateaung alang bawibawi 5,400 rei syn u teang bo.

EZARA 1:7

Samrang Kuru ly Jerusalem mary i dengdairei samrang Nebukhadnezar my la pi vui iy, my i tameuhchi achura yhm y khai vui nai khauchi ai nichi teng y pei pi bo.

ISAIA 39:6

Nang i samrang yhm y awm nai ngiereichi ai py, vaini khrairei nang i amsi pajochi my pateung pi achu nai yhmtheaung katui ngiereichi ai py, Babulon pri mang y syn pawn nai neng kani tym ai. Ati sai py awm ai ny y.

JEREMIA 20:5

Kai ly paleung ka-echi ai hini mary i nang nai yhmtheaung katuichi ai lawm hai ai. Hini mary i awm yb nai vawnsaichi hawi yhmtheaung katuichi ai py, Juda samrang i yhmtheaung katuichi ai py Babulon pri y syn hai vui ai.

JEREMIA 27:22

Huni yhmtheaung katuichi ly Babulon mary y syn iy, hunichi ai kaimy adawn ali teang nai neng tym y ryrei ly huni mary y awm jo ai. Naibaly kai ly huni yhmtheaung katuichi ai, huni meingtym y katym hai ali teang ai. Hini ly kai Areng i thui nai leu ne,” nanai leu pei nai thui pi bo.

TANGAM NAI LEU 1:10

Paleung ka-echi ly ni i yhmtheaung katui bawibawichi ai lawm pi pawn vui bo. Ni ly Areng my kun ai pei y nai Achura yhm theung y huni khumichi kun nai nui.