JEREMIA 27:19 - Khumi Common Language Bible

^19-20 (Babulon samrang Nebukhadnezar ly Jehojakim i chapo Juda samrang Jehojakhin hawi, Juda pri hawi Jerusalem mary i lu sa naichi ai py, Jerusalem mary i dengdairei Babulon pri mang y hawi vui nai thym khala my, daw jo nai kheupaja yhmmawm puichi, kheupaja tuikanchi hawi, anui mang i panui nairachi, Achura yhm i takhra yhmtheaung katuichi phyreichi ai daw mai nai ne.)

JEREMIA 27:19 ပူးပေါင်းရင်းမြစ်များ

1 ARENG KEH 7:23

Hiram ly kathiu miu pangrei, kakau miu horei, ka-hi miu phairei awm nai kheupaja tuikan sa.

1 ARENG KEH 7:27

Hiram ly kiu hawi nui nai kheupaja ka-ri horei py sa. Huni ka-richi ly jeng miu palyhrei, kah miu palyhrei, ka-sang miu thomrei awm riri nai ne.

2 ARENG KEH 25:13

Babulon chengchi ly Achura yhm theung i kheupaja yhmmawmchi, kiu hawi nui nai kheupaja ka-richi hawi kheupaja tuikan pui ai taphra piupa iy, kheupaja bawibawichi ai ly Babulon pri mang y syn pawn nai ne.

2 ARENG KEH 25:17

Huni yhmmawm pui nyhrei ly atawm riri i, harei nai y kasau miu holai saryhrei awm; hunichi ra y kasau miu thomrei awm nai kheupaja yhmmawm mawm naichi tai. Huni yhmmawm mym nai teng kamki kheupaja kadeng athaichi hawi ka-pu sa nai ne.

2 NENG SATANG 36:18

Babulon samrang ly Achura yhm theung i ateaungchi py, muku tangkachi py, samrang hawi miteaung kehchi i muku tangka ngiereichi py, la pi pawn bo.

TANGAM NAI LEU 1:10

Paleung ka-echi ly ni i yhmtheaung katui bawibawichi ai lawm pi pawn vui bo. Ni ly Areng my kun ai pei y nai Achura yhm theung y huni khumichi kun nai nui.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.