JEREMIA 27:18 - Khumi Common Language Bible

¹⁸ Huni khumichi ly amo tatangchi ne iy, kai i leu nga nai keungchi ne lawh teu baly, Jerusalem mary Achura yhm hawi samrang yhmchira i awm asai rai nai yhmtheaung katuichi ai Babulon pri mang y tawn vui y ai nai, ati cheaungkhang sa thai nai keung kai, Areng teng y takeng u na sy,”

JEREMIA 27:18 ပူးပေါင်းရင်းမြစ်များ

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

1 ARENG KEH 18:24

Hunaibaly bala i amochi ly mychi i tameuh teng y chiu so u sy; kai py Areng teng y chiu kasa ai. Kaichi bawibawi i chiu sa hnei takeng nai pathang pi iy mai pala pi nai keung ly Tameuh tatang ne ai,” napi. Mipuichi ly Elija i thui nai leu ai ngai u i, aeu u sau na bo.

1 ARENG KEH 18:26

Nichi py mychi teng y tym hai nai si katai ai apathyp ai nai sa u chum baly, bala tameuh teng y kani thun teng na pa-rei chiu sa u bo. Nichi my, “Aw bala tameuh! kaichi i chiu sa nai tangai pi kyh ba,” nanai aeu u chum baly, mychi i sa nai maicham ai taki teungtareung iy lam u. Na i py bala tameuh teng i ati sai py pathang y.

2 NENG SATANG 32:20

Huna nai khala y samrang Hezekia hawi Amoz i chapo amo Isaia nini ly kasabawmra nga ai nai Tameuh teng y aeu naimy chiu sa hawi bo.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 18:20

Hawi naira ai hawi y naira my atleu pajau na a? Na i py nichi ly kai tla ai nai hum angawm tai u lawh. Kai ly nang teng y jeu iy nichi ai kado theu hai y ai nai, nichi i jeng y kang takeng nai ly pany pi jo kyh ba.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

Ezekiela 14:14

Huni pri y Nova, Daniela hawi Joba nichi leaung thomrei awm u lawh teu i py, nichi i hawi naira my nichi ai naini atleu iy takhra khumichi ai ly atleu pajau ai ny y,” napi. Hini ly sa thai naira awm nai Areng i thui nai leu ne.

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

MALAKHI 1:9

Nangchi pathyp pi nai keungchi awi, achi ai hawi naira pei ai nai vai, Tameuh teng y hnei u cham. Mymy ly nangchi i chiu sa nai tangai pi ai ny y. Huna nai tym nai py nangmychi i kamngo nai deaungkho y ne.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.

1 SAMUELA 7:8

Samuela teng y, “Kaichi ai Philistia chengchi teng i dengdairei atleu ai nai, achi i Areng Tameuh teng y chiu so pi jojo kyh ba,” napi u.