JEREMIA 26:20 - Khumi Common Language Bible

²⁰ (Areng i amyn y leu thui nai keung takhra khumi leaungrei awm rai. Huni khumi ly Semajah i chapo, Keriah Jearim mary i Uriah ne. Ni ly hini mary hawi hini khumi chengchi ai ka-awi sa iy, Jeremia i thui nai kamta thui teang.

JEREMIA 26:20 ပူးပေါင်းရင်းမြစ်များ

1 ARENG KEH 18:10

Samrang ly nang ai khaileaung pri verei y hau hai nai ne, nanai Tameuh kangheng, nang i Areng amyn y kai, vaineng abeu bo. Mani pri y py Elija ly by y leang bo, nanai thui nai ly teng khyp nanai Ahab my vaineng abeu hai nai ne.

2 ARENG KEH 23:37

Jehojakim ly my i amsi pajochi sa nai kamta sa i, Areng i tlang tleaung y kamngo sa.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 36:19

Naibaly samrang i bangtangchi my, “Nang hawi Jeremia ly preang iy aheu hawi ai nai tla. Nangni i awm naira ly ami ai py pany hai moh,” nanai Baru teng y thui pi u bo.

JOSUA 15:60

Huni bo y Kiria Bala mary, (ti y baly Kiriajarim mary) hawi Rabba mary napi nai mary kalen nyhrei hawi vanrei, tengpang sahawi i mary katheang kalenchi py abawi nai ne.

JOSUA 18:14

Huni bo i khujyh ly huni mawi nidym mang dengdairei, Juda theaungchi i Kiria Bala mary (ti y baly Kiriajarim mary) tym pa-rei, tokalawi mang y ang vum kathiu nai ne.

JOSUA 9:17

Hunai deaungkho y Israela chengchi ly huni meingtym i nai theu u nai pa-thom kani y, huni khumichi i awm nai marychi, Kibeon mary, Kephirah mary, Beroth marychira y tym u.

1 SAMUELA 6:21

Kiria Jearim mary i khumichi teng y savaichi pato iy, “Philistia chengchi ly Areng i Leu Maikawm Pawm ai, ang tha pi teang bo, nangchi jeu iy Pawm angjeaung u,” nanai taviu u bo.

1 SAMUELA 7:2

Areng i Leu Maikawm Pawm ly Kiria Jearim mary y saneng apomrei kamta, kra parai naimy awm. Huna nai neng khala y Israela chengchi ly sabawmra nga ai nai Areng ai kadeaung u nai ne.