JEREMIA 25:6 - Khumi Common Language Bible

⁶ Nichi ly nangchi ai tameuh takhrachi teng y chiu u y ai nai py, nangmychi i sa nai mynchi ai chiu u nai y Areng ai kado theu hai y ai nai py, ang thui pi bo. Nangchi ly Areng i leu tangai u lawh baly, mymy ly nangchi ai pajeng ai ny y.

JEREMIA 25:6 ပူးပေါင်းရင်းမြစ်များ

1 ARENG KEH 14:22

Juda mipuichi ly Areng i tlang tleaung kamngo sa u bo. Nichi ly amsi pajochi tleaung y malawn py, Areng kado theu ai nai kamngo sa tleaung sa ra nai ne.

2 ARENG KEH 17:35

Areng ly nichi hawi leu maikawm asa iy, “Nangchi ly tameuh takhrachi ai chiu u moh; nichi mo y lu meung u moh; nichi i kalop py so u moh. Nichi teng y kapathyprachi py talam u moh.

THEU NAI 20:23

Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.

THEU NAI 20:3

“Kai ny y baly tameuh takhra y chiu moh.

JEREMIA 32:30

Israela hawi Juda khumichi ly jangni khala i ka-so, kai i ngai y nai atitichi naini sa u lawh. Israela khumichi ly mychi i sa nai mynchi hawi, kai ai kado theu hai u bo.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

Leu Thui Nai 13:2

vaichi khala nangchi chiu vai y nai tameuhchi ai chiu hai ai nai molam, ka-ma-rachi hawi lyh ai awm naichi py sa pi ai, nanai ang thui pi lym ai. Ni i thui pi nai kamta rengrang ka-ma-rachi hawi lyh ai awm naichi patei pajau lawh teu i py,

Leu Thui Nai 28:14

Hunai deaungkho y nangchi ly hini reita leu pei naichi ai paleung hawi verei patawm u ai nai tla; tameuh takhra ai py chiu u moh.

Leu Thui Nai 6:14

Tameuh takhrachi ai chiu u moh. Nangchi tengpang sahawi y awm nai khumichi i tameuhchi ai py chiu u moh.

Leu Thui Nai 8:19

Nangchi i Areng Tameuh ai tami vui iy, tameuh takhrachi ai chiu u moh. Huna nai sa lawh baly nangchi ly phra takengkei ai, nanai nangchi teng y vaini kang pany hai nai bo.

JOSUA 24:20

Nangchi ly Areng ai khai su iy, tameuh takhrachi ai chiu u lawh baly, nangchi ai pahen nai Tameuh ly nangchi ai paleung ka-e khai iy, myh kang nai pa-rei pajeng ai,” napi.