JEREMIA 25:35 - Khumi Common Language Bible

³⁵ Hu y ly nangchi i vui tleaung ai nai lam awm ai ny y.

JEREMIA 25:35 ပူးပေါင်းရင်းမြစ်များ

JOBA 11:20

Na i py khumi hawi y naichi ly paleung phra athosi nimy, lawi tleaungra lam hau i py, niu u ai ny y. Nichi i athang khai naira harei ly dei naira ne.

SAM 142:4

Kai i sahawi y khen nai khala y kai ai sabawm ai nai keung leaungrei ai py kaniu y; ama hai nai keung leaungrei py by y. Ami py kai ai dawndan y bo.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 25:36

Nangchi ly vo tangam naimy aeu u ai. Ati mana nai mo na baly nichi i prichi ai kado theu nai hawimy taphra iy, nichi i tlamsa nai pri ai phra hai seaungkhrang veng nai deaungkho y ne.

JEREMIA 32:4

Samrang Zedekiah ly Babulon khumichi kiu i nai tleaung ai ny y. Babulon samrang i kiu y tym ai i, samrang hawi mo atha iy theaung theung y leu arum ai.

JEREMIA 34:3

Nang ly ni i kiu i nai tleaung ai ny y; ang patiu ai i, ni i kiu y tym ai. Nang ly ni hawi mo atha iy leu arum chum baly, Babulon mary mang y abang ai nai tla ai.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

JEREMIA 38:18

Na i py nang kasum apei y lawh baly, hini mary ly Babulon chengchi i kiu y tym ai. Nichi my py hini mary ai mai leng vui ai. Nang py nichi kiu i nai tleaung ai ny y,’ nanai leu ang pei,” nanai thui pi.

JEREMIA 38:23

Huni bo y kaimy, “Babulon chengchi ly nang i ajuchi hawi cho chanau bawibawichi ai hawi pawn ai. Nangmy kypkyp py nichi kiu i nai tleaung ai ny y; Babulon samrang my ang patiu ai. Hini mary py mai y kang vui ai,” kanapi.

JEREMIA 48:44

Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

Ezekiela 17:15

Na i py Juda samrang ly tavai thau i, keaungngochi hawi tavaimi risa neangneang kasabawmra nga ai nai, Aikupta pri y savaichi pato bo. Ni i katau eaung a? Huna nai sa nai ly law tleaung na a? Ka-lyra sumneang akhai nai taphra nai ly pajeng naira avum y naimy awm na a?

Ezekiela 17:18

Huni samrang ly mymy i vaineng abeu nai ai tahm khai y iy ka-lyra leu sumneang akhai nai ai py taphra bo. Mymy ly vaineng abeu chum i py, hina naichi sa nai deaungkho y, ni ly vai law tleaung ai ny y,” napi.

DANIELA 5:30

Huni vum y my Babulon samrang Belshazar ai ly tleh vui bo.

AMOS 2:14

Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.