JEREMIA 25:34 - Khumi Common Language Bible

³⁴ Kamkawm luchi awi, vo tangam u; kai i khumichi ai kry nai beram typ nai keungchi awi, khri pa-rei aeu u! Paleungsi naimy spryhchira y jawn u tlawntlan. Ang padei ai nai neng tym bo i, nangchi ly beram kataichi kamta dei u ai.

JEREMIA 25:34 ပူးပေါင်းရင်းမြစ်များ

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 2:16

Mymy ly len keh, apu keh nai samphochi ai py, tup hai pawn ai.

ISAIA 30:14

Laawm phei ka-kawi hawi mai-aichi akhui ai nai py, chy-y theung y pani iy tui vei ai nai py, ngo pajau y pa-rei kawi seaungkhrang nai alai laawm hawi atawm u ai.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 34:6

Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

ISAIA 34:7

Mipuichi ly palawi cho y nai sichi, si katai beaungjeaungchi kamta atlym u ai. Khaileaung ly thichi pasen jawn iy, thauchi hawi paleung myn naimy awm ai.

JEREMIA 18:22

Nichi i yhm hlauchi ai lawm ai nai khrukhra hai nai khumi kanghuchi ai pato miu ba. Nichi ly jei hyn u naimy aeu u na sy. Nichi ly kai tla ai nai hum angawm tai u bo. Kai i vui deaung py pateung u bo.

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 23:1

Mymy i khumichi ai taphra iy ahei hai phro nai peang nai keungchi i tlang tleaung Areng my khai yb nai tara chih naira ly mana tanrei jei ai hawi na mo ly!

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 25:36

Nangchi ly vo tangam naimy aeu u ai. Ati mana nai mo na baly nichi i prichi ai kado theu nai hawimy taphra iy, nichi i tlamsa nai pri ai phra hai seaungkhrang veng nai deaungkho y ne.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 48:26

Areng my, “Moba pri ly kai Areng ai tiu nai deaungkho y, huni pri ai pavui hai u. Ni ly my i amleura y jawn tlawntlan ai. Khumichi my py ni ai panui hai ai.

JEREMIA 48:38

Moba pri i yhm amphu ngierei salo y py, khumichi amkheng achu nai khaileaung ka-ho tleireira py, vo tangam u nai ny y baly takhra ati sai py niu y. Ati mana nai mo nabaly kai ly teaung ai ngo y nai chy-y ai pakawi piu nai kamta, Moba pri ai taphra vui nai deaungkho y ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

Ezekiela 34:20

Hunai deaungkho y sa thai naira angym nai kai, Areng my nangchi teng y leu kang pei nai ly kai ly nangchi beram veung kahawichi hawi veung kajeichi theung y tara kangchih ai.

DANIELA 11:8

Nichi i tameuh mynchi hawi, hunichi teng y talam nai muku khau, tangka khau bawibawichi ai py, Aikupta pri mang y syn pawn ai. Naibaly saneng neangneang tlamsa nai bo y,

HOSEA 8:8

Israela pri ly takhra prichi hawi takhra lawh y. Teaung ai ngo y nai laawm ka-kawi hawi atawm.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

ZEKHARIAH 10:3

Areng my, “Kai ly kaimy i khumichi ai peang nai samrangchi ai kado theu hai nai deaungkho y pajeng ai. Juda khumichi ly kai i khumichi ne nai deaungkho y, ati cheaungkhang sa thai nai Areng ly nichi ai kry ai. Nichi ly khri pa-rei atho awm nai, kai i tavai keaungngochi lawm u ai.

ZEKHARIAH 11:3

Samrangchi ly paleung si naimy vo u; nichi i phum-ang ly tama veng bo! Khrangsichi i hang nai katyn tangai u; nichi aeung nai Jordan tavo leaunghawira i thengreung py phra veng bo!

JAKOB 5:5

Khaileaung pri y tlamsa naimy awm u iy, pasum u atyhtyh bo, tleh nai kani y ly nangchi i paleung y saw ala nai apacho u bo.