JEREMIA 25:29 - Khumi Common Language Bible

²⁹ Kai ly taphra nai kakop ai, kai i amyn apu nai mary pui dengdairei amteaung ai. Huni mary i khumichi ly pajeng naira avum u ai ny y, nanai athang khai u a? Ny y leang. Kai ly khaileaung pri y awm nai khumi bawibawichi teng y tavai ka-jeira kapato ai i, nichi ly pajeng naira avum u takengkei ai. Hini ly kai Areng thui nai leu ne.

JEREMIA 25:29 ပူးပေါင်းရင်းမြစ်များ

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

LEU KACHENG 11:21

Tau hawi y nai khumichi ly pajeng naira avum ai; na i py khumi kahawichi ly meitang khyp, pajeng naira avum y ai.

LEU KACHENG 11:31

Khumi kahawichi ly khaileaung pri y hawi naira amtym u ai; huna nai kamta teang, kamngo sa nai khumichi ly meitang khyp, pajeng naira avum u ai.

LEU KACHENG 17:5

Khumi kamawnchi ai panui pachem hai nai khumi ly nichi ai sa nai keung Tameuh ai thui tamawn nai ne. Amichi i khym taham kasi avum nai khala, amo theu reng nai khumi ly kamngo pajeng naira avum ai.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

JEREMIA 13:13

Huna nai khala y kai, Areng ly Davida kangpreang samrangchi, pathyp pi nai keungchi, amochi hawi, Jerusalem mary i khumi bawibawichi pavui na pa-rei kreip hang kapanei ai, nanai nichi teng y thui pi.

JEREMIA 19:3

Areng my, “Juda samrangchi hawi Jerusalem mary i khumichi awi, Israela chengchi i Tameuh, ati cheaungkhang sa thai nai keung kai, Areng i thui nai leu tangai u. Kai ly thai nai khumichi athengra na pa-rei, ka-jei awm parai nai hini meingtym y tym hai ai.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

JEREMIA 49:12

Pajeng naira avum ai nai avo y naichi malawn py, pajeng naira avum u lawh baly, nangchi ly pajeng naira khau nei y naimy awm u ai, nanai athang khai u a? Nangchi ly meitang khyp, kamngo khau nei u ai!

Ezekiela 14:17

“Ti y baly kaimy huni pri y tavai atiu hai ai i, khumi hawi tawnbawichi raurei tamyh pawn ai nai taphra thai nai haichi pato nai khala y,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 38:21

Kai ly ka-jeira cheaungkhangchi hawi Koka ai kaso theu hai ai. Hini ly sa thai naira angym nai kai, Areng i pei nai leu ne. Ni i khumichi ly mychi tengtawi atleh u ai.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

OBADIA 1:16

Kai i khumichi ly kai i mawi kachai salo y kai i kho nai pajeng nai khau nei u bo. Tengpang sahawi i khumi cheng cheaungkhangchi py huni tleaung y kho keh nai pajeng nai khau nei u ai. Nichi ly huni ai nei pyn chum baly, tama u pawn ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

LUKA 23:31

Dengkeaung kangheng ai malawn py hina tanrei sa baly, kadei ai ipsaly mana tanrei sa ai mo?” napi.

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?