JEREMIA 25:27 - Khumi Common Language Bible

²⁷ Naibaly Areng my kai teng y, “Israela chengchi i Tameuh, ati cheaungkhang sa thai nai keung Areng ly huni khumichi ai pavui iy paleu nanai pa-rei, nichi teng y kaimy pato nai tavai ka-jeira molam y atlym iy ang thau pajau y na pa-rei, huni kado theu naira hang nei u ai nai leu ang pei, nanai thui pi.

JEREMIA 25:27 ပူးပေါင်းရင်းမြစ်များ

ISAIA 51:21

Patang naira avum nai, nangchi Jerusalem mary i khumichi awi, nei cha ala nai kamta pavui tapai u nai khumichi awi,

ISAIA 63:6

Kai ly kaimy i kado theu nai ryrei my, khumi cheng cheaungkhangchi ai ati iy katamyh bo. Nichi i thi ai ly khaileaung y kaleih jawn bo,” napi.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 13:13

Huna nai khala y kai, Areng ly Davida kangpreang samrangchi, pathyp pi nai keungchi, amochi hawi, Jerusalem mary i khumi bawibawichi pavui na pa-rei kreip hang kapanei ai, nanai nichi teng y thui pi.

JEREMIA 22:10

Juda khumichi awi, samrang Josia molam y meikatui tlo u moh; ni i dei nai molam y py paleung si hai u moh. Na i py ni i chapo Joahaz i vui y khri pa-rei, meikatui tlo hai u. Paleung ka-echi ly nichi ai deung ka-kan hawi u jo ai. Ni ly my i tapen nai meingtym ai, mana khala py niu ali bi ai ny y.

JEREMIA 25:16

Huni kado theu naira hang nei u nai khala y, nichi ly kaimy pato nai tavai ka-jeira deaungkho y pavui u ai i, tliu charum charei u ai,” napi.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 50:35

Areng my, “Babulon pri ly phra ai! Khumi mipuichi, peang nai keungchi hawi khumi kachengchi ly dei u ai.

JEREMIA 51:39

Nichi ly cha ha u nai a? Kai ly nichi ai cha nei pawi pui sawn pi iy, amo theu pavui hai ai. Nichi ly i ngym ai i, mo mang y mana khala py i anglaw ai ny y.

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

NAHUM 3:11

Aw Ninevi mary awi, nang ly pavui tapai naimy, paleung ka-echi kiu i law tleaung ai nai atho sa ai.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

Leu Thui Nai 32:42

Kai i thailiho chynchira y nichi i thi leaung ai; kai i haisau ly kai ai paka nai khumi ngiereichi ai tamyh ai. Kai ai paleung ka-e khai nai khumichi ai leaungrei py kangheng khai ai ny y; tamo nga nai hawi langheng hawi naichi malawn py dei u be ai.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai: