JEREMIA 25:14 - Khumi Common Language Bible

¹⁴ Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

JEREMIA 25:14 ပူးပေါင်းရင်းမြစ်များ

SAM 137:8

Aw Babulon mary, nang ly taphra naira avum ai. Kaichi ai nangmy sa nai kamta nang ai vawitheung tha nai khumi,

ISAIA 13:4

Mawi salo y awm nai khumi mipuichi i raawi tangai u. Huni raawi ly khumi cheng cheaungkhangchi hawi prichi akachu u nai katynchi ne. Kani pri tavai luchi i Areng ly mymy i tavaimichi ai tavai thau hai ai nai angveirym bo.

ISAIA 14:2

Khumi cheng cheaungkhangchi ly Israela chengchi ai, Areng my pei nai pri y vawi u ali teang ai nai sabawm u ai. Huni pri y cheng takhra khumichi ly Israela chengchi teng y miseaung kamta kalop sa u ai. Israela chengchi ai patiu nai khumichi ai, vai ly Israela chengchi my patiu ali teang ai. Israela khumichi py, vaichi khala mychi ai ana nai khumichi ai peang u ai.

ISAIA 66:6

Tangai u! mary theung y kadosum nanai katyn, Achura yhm theung i katyn ly Areng my paleung ka-echi ai pajeng nai katyn ne na a!

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 50:41

“Tosyh ngan mang pri harei i khumichi ly ang jeu u ai. Huni ly kamlo ra i sa thai naira awm nai pri ne. Samrangchi ly tavai atiu ai nai angvei u rym bo.

JEREMIA 50:9

Kai ly tosyh ngan mang i atho len nai prichi ai kachyh iy, Babulon pri y tiu hai ai. Nichi ly tavai pasau iy huni mary ai tiu iy peang u vui ai. Nichi ly patyp naira y avawrei chawm khyp pa-rei ko pajau nai mawi sarachi kamta, mymychi i thailihochi ko u thai nai ne.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

DANIELA 5:28

Phy paji, nanai leu i awm nai sai ly nang i pri ai ly Medi chengchi hawi Pasia chengchi teng y phy paji pi veng bo, nanai sai ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.