JEREMIA 23:36 - Khumi Common Language Bible

³⁶ Hunai deaungkho y, ‘Areng i mynji,’ nanai nichi thui ai nai tlo y. Ati mana nai mo nabaly khumi leaungrei my huna nai thui lawh teu baly, kai i leu pei nai ai huna nai kamta thui nai keung ai ly mynji lawm hai angchi khyp ai. Khumichi ly mychi i Tameuh, ati cheaungkhang sa thai nai keung Areng, Tameuh kangheng i leuchi ai tamang hai piupa u bo.

JEREMIA 23:36 ပူးပေါင်းရင်းမြစ်များ

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

SAM 12:3

Aw Areng, palo hawp reng nai palaichi takip veng ba! Amlyh reng nai khumichi i labeaungchi py tamym pi vui ba.

SAM 120:3

Nangchi ka-chawi thui reng nai khumichi awi, Tameuh my nangchi ai ati ang sa ai mo? Mymy ly nangchi ai ati mana ang pajeng ai mo?

SAM 149:9

Tameuh i khumichi ly chiu parai nai haisau syn u sy; hini ly Tameuh i khumichi i eaung pawi ne. Areng ai palo u!

SAM 64:8

Nichi i thui u nai leusaichi molam y, mymy ly nichi ai padei iy tama hai ai; nichi ai niu nai khumi bawibawichi ly lu heang u ai.

LEU KACHENG 17:20

Hawi y nai ai adawn pasym reng nai khumi ly hawi naira ati sai py athang khai pajau y. Patang naira naini athang khai pajau.

ISAIA 28:22

Ati cheaungkhang sa thai nai keung Areng ly pri verei taphra pawn ai nai leu pacheang chum veng bo, nanai kathai. Nangchi ai kaimy kang pany hai nai ly panui hai u moh. Panui hai u lawh baly nangchi ly dei ai naira i, law tleaung ai nai khri pa-rei rai u ai.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 23:37

‘Areng ly nangchi ai ati pathang pi mo? Areng ly ati pathang pi mo?,’ nanai amochi teng y leu deng ai nai Areng my Jeremia teng y leu pei bo.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

MATTHAI 12:36

Naibaly kang thui pi, ami py leu avo y nai thui rumrang nai ngierei ly huni satang ly tara chih nai kani y thui pi ai nai tla.

LUKA 19:22

Naibaly ni my ly mymy teng y, ‘Miseaung kahawi ny y nai, nangmy i labeaung theu nai leu y my kang pasum ai. Kai ly khumi ngang ngang pui i, kai khai y naira y py la reng nai, kai i tiu y naira y py tyn reng nai nang pany lo-oh?

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

KALATIA 6:5

Khumi leaung leaungrei ly amymy i myn pho bawibawi ai nai tla.

Leu Thui Nai 5:26

Tameuh kang heng i raawi mai kangveaung theung mang dengdairei thai nai bo y, achi kamta heng nai khumi awm vai a?

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

II PETERA 3:16

ne, ni i cha pa nai bawibawi ra y ly huni satang thui pi bo; hunira y ly leu pany thai ai nai rai parai naichi awm i, cheng y nai hawi khaw y nai khumichi ly Tameuh i cha-iu leu takhra ai tangai akawi nai kamta tangai akawi lawh iy, amymychi ai atama hai lawh reng.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.