JEREMIA 23:33 - Khumi Common Language Bible

³³ Areng my kai teng y, “Jeremia awi, kai i khumichi theung i leaungrei my mo, amo my mo, pathyp pi nai keung my mo, ‘Areng i leu pei nai ly ati mo?’ nanai ang deang nai khala y, ‘Nangchi ly Areng my kai vui mynjine nai y, nangchi ai paleang vui ai,’ nanai pathang pi ba.

JEREMIA 23:33 ပူးပေါင်းရင်းမြစ်များ

2 ARENG KEH 23:27

Areng my, “Kai ly Israela pri y sa nai kamta Juda pri y py sa ai. Juda khumichi ai kaimy i mei ka-niu i nai, kapatheu vui ai. Kaimy vawi takhra nai Jerusalem mary hawi, kai ai chiu ai nai meingtym kapalawn nai Achura yhm malawn py, kaimy khai su ai,” napi.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

ISAIA 13:1

Hini leu pei nai ly Babulon pri i molam y Tameuh my Amoz i chapo Isaia teng y tym nai leu ne.

ISAIA 14:28

Hini leu pei nai ly samrang Ahaz dei nai saneng y thai hai nai leu ne.

JEREMIA 12:7

Areng my, “Kai ly kaimy i Israela ai khai su iy, kaimy vawi takhra nai khumichi ai py nyn va veng bo. Kaimy tamen nai khumichi ai paleung ka-echi kiu y au veng bo.

JEREMIA 17:15

Khumichi my kai ai, “Areng my kaichi ai pajei naichi ly ma mang y mo? Vaimy huni atitichi amteng hai sy!” napi u.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 7:15

Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.

Ezekiela 12:21

Areng i leu ly kai teng y tym.

HOSEA 9:12

Na i py nichi ly cho chanauchi ai palum paveang lawh teu i py, kai ly huni deaungdichi ai padei iy, leaungrei ai py heng hai ai ny y. Kai ly nichi ai khai su nai khala y, nichi ly ka-jei awm nai patangra avum u ai,” napi.

NAHUM 1:1

Hini ly Ninevi mary molam y pany hai nai ne i, Elakosa avang i Nahum my paleung mei y niu nai satangchi ne.

HABAKKUK 1:1

Hini leu ly amo Habakkuk teng y, Areng i pany hai nai leu ne.

ZEKHARIAH 9:1

Areng teng i leu pei nai ly hinichi ne. Mymy ly Hadara pri hawi Damaska mary y pajeng ai nai leu pei bo. Areng ly Israela nupaichi ai khyh ny y, Suria pri i mary pui ai py peang nai ne.

MALAKHI 1:1

Hini leu pei nai ly Israela chengchi teng y thui pi ai nai Malakhi teng y, Areng my pei nai leu ne.