JEREMIA 23:29 - Khumi Common Language Bible

²⁹ Kai i leu pei nai ly mai hawi atawm iy, lengseaung ai atum phiu thai nai chaki hawi atawm.

JEREMIA 23:29 ပူးပေါင်းရင်းမြစ်များ

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 5:14

Ati cheaungkhang sa thai nai keung Areng Tameuh my, “Jeremia awi, huni khumichi ly hina nai thui nai deaungkho y, kai i leu ly nang i labeaung y mai kamta lawm iy, nichi ly theng kamta lawm ai; mai ly nichi ai kang ai,” napi.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

LUKA 24:32

Naibaly nini ly “Lam y ani hawi arum nai hawi, Tameuh i cha-iu leu ang thui pi pachai nai thym khala y ly, ani paleung pran ti y a?” na hawi.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

AMTAW 2:3

Naibaly palaichi ly mai ka-tawm nichi teng y amji iy ahei nai nichi teng y amteng bo; naibaly nichi i lu tleirei y chym.

AMTAW 2:37

Naibaly huna nai leu thai i nichi i paleung y thun iy Petera hawi abangnai takhrachi teng y, “Amjo amnauchi awi kaichi mana sa ai mo?” napi.

II KORINTH 2:16

kamkawm hareichi i vui ly deira y dei ai nai kamui ne; kamkawm takhrachi i vui ly hengra y heng ai nai kamui ne. Hunai kamtachi i vui ly ami pha pajau ai mo?

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

AMTENG HAI NAI 11:5

Naibaly ami py nini i tlang tleaung y atiti hawi y nai sa ai nai tau baly, myni i labeaung dengdairei mai theu iy myni i paleung ka-echi ai ly kang hai:ami py nini i tlang tleaung y atiti hawi y nai sa ai nai tau baly, hunai kamta khyp padei naimy awm ai nai tla.