JEREMIA 23:27 - Khumi Common Language Bible

²⁷ Mymychi i amsi pajochi ly kai ai tami vui iy ala tameuh ai chiu u nai kamta, nichi ly mychi i thui nai amangchi my, kai i khumichi ly kai ai tami hai pajau ai, nanai nichi athang khai u lawh.

JEREMIA 23:27 ပူးပေါင်းရင်းမြစ်များ

2 ARENG KEH 21:3

Ni ly my i ampo Hezekia my taphra pawn nai myn y chiu nai meingtymchi sa palum teang. Bala tameuh teng y talam nai maichamchi sa iy Israela samrang Ahaz kamta, Aser tameuh nu i tamkhawn pado. Manase ly ka-sichi ai py chiu.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 29:8

Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

JEREMIA 9:14

Nichi ly paleung tang iy mymychi i amsi pajochi my thui pi nai kamta, bala tameuh mynchi ai chiu u bo.

AMTAW 13:8

Na i py Eluma (ni i amyn takhra awm nai sai ly atam kakawp nanai sai ne.) huni khumi ly samrang i jeng y awm nai khumi ai ly ym hai y ai tau i nini ai paka.

Leu Thui Nai 8:11

“Nangchi i Areng Tameuh ai tami y ai nai dawn patyp u; vaini nangchi teng y kang pei nai mymy i reitachi patawm ai nai tami u moh.

Leu Thui Nai 8:14

nangchi ly amlyh am-e iy Aikupta pri miseaungra i nai atleu pi nai keung, nangchi i Areng Tameuh ai tami y ai nai dawn u.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.

TARA CHIH NAI KEUNGCHI 3:7

Israela chengchi ly mychi i Areng Tameuh ai tami u veng bo; mymy i tlang tleaung y tamang u i, Bala tameuh hawi Aser tameuhchi ai chiu u.