JEREMIA 23:24 - Khumi Common Language Bible

²⁴ Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JEREMIA 23:24 ပူးပေါင်းရင်းမြစ်များ

ATITI AWM ANGCHEI NAI 16:13

Hakari ly mymy ai mymy naimy, “Kai ly Tameuh ai niu i py heng lawh rai a?” nanai thui. Hunai deaungkho y mymy hawi leu arum nai Areng ai, “Niu nai keung Tameuh,” nanai palau bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 2:6

Tameuh i vui ly ami py Achura yhm so pi pajau y leang. Ati mana nai mo na baly temripma pany y na pa-rei kau nai kani khusang malawn py, Tameuh i vawi ly amchei asai rai. Hunai deaungkho y kai ly Tameuh i vui rimui patawi naira Achura yhm naini kasa ai.

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

JOBA 34:21

Mymy ly khumi i kheukan ngierei, khen patawm jo nai ne.

JOBA 34:22

Kamngo sa tamang nai khumi ai, Tameuh my niu pajau y ai nai pa-rei, veng hai nanai kaveng ly by y.

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 139:7

Kai ly nang hawi palo ai nai mani meingtym mang y chei vui ai mo? Nang i mei keung i nai amphri vui ai nai mani meingtym mang y theu vui ai mo?

SAM 139:8

Kai ly kani mang y lyn kalau lawh baly, hu y nang awm; kai ly tavau kho y aseaung lawh baly, hunira y nang ly awm nai ne.

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

LEU KACHENG 15:3

Areng ly meingtym tleirei i sa nai saichi ai niu. Mymy ly khumi hawi nai, hawi y naichi i amhi amtlau naichi ai khen nai ne.

ISAIA 29:15

Areng teng y amychi i dawn pasym naichi apha vui ai nai atho sa nai khumichi ly taham si! Nichi ly mychi i dawn tau naichi kangviu y sa nai ly amychi ai ami my py niu ai ny y; amychi i atitichi sa naichi ai py ami py pany ai ny y, nanai athang khai u.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 49:10

Na i py kai ly Esaw kangpreangchi teng i awm nai vawnsai ngiereichi la pi veng ai. Nichi aheu bi ai nai ngo y pa-rei, nichi i aheura meingtymchi patheaung pawn ai. Edom pri khumi bawibawichi ai katamyh veng bo. Nichi ly leaungrei py by y leang bo.

Ezekiela 8:12

Tameuh my kai ai, “Nang khumi cho awi, Israela cheng luchi i kangviu kam-ai y sa naichi nang niu a? Nichi ly mymychi kypkyp i mynchi awm nai takun theung y chiu u. Nichi my, ‘Areng ly achi ai niu y leang! mymy ly achi i pri khai su bo,’ nanai akhi u,” napi.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

DANIELA 2:22

Mymy ly thiu parai nairachi pany hai; mymy ly kaveng theung y heu vui naichi pany se, mymy ai ly kangvang my taki teungtareung nai ne.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

EPHESI 1:23

palau takhra kamkawm ly mymy i tlang ne, ati cheaungkhang kawi hai nai keung i angym naira ly.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.