JEREMIA 23:14 - Khumi Common Language Bible

¹⁴ Na i py Jerusalem mary i amochi ly huni khumichi tleaung y malawn py, hawi y keh nairachi sa u nai kaniu. Nichi ly ami i aju chanauchi taphra iy ka-chawi thui u. Nichi my khumichi ai teng y naichi sa ai nai atho pei u; hunai deaungkho y ami py, amy i hawi y sa naichi anawn u y nai ne. Nichi bawibawi ly kai i mei ka-niu y Sodom mary i khumichi hawi atawm u bo. Jerusalem mary i khumichi ly Komora mary i khumichi kamta, kamngo sa u bo,” napi.

JEREMIA 23:14 ပူးပေါင်းရင်းမြစ်များ

ATITI AWM ANGCHEI NAI 13:13

Sodom mary i khumichi ly aso y nai deaungkho y, Areng i mei ka-niu y kamngo nawi nai khumichi ne.

ATITI AWM ANGCHEI NAI 18:20

Naibaly Areng my Abraham teng y, “Sodom hawi Komorachi i thui tamawn nai ly khri pa-rei ty na; huni marychi i kamngo nai sai py khri pa-rei len na bo.

ATITI AWM ANGCHEI NAI 19:24

Areng my Sodom hawi Komora mary salo y tlenrei khyh my kan mai kani nai hai bo.

ATITI AWM ANGCHEI NAI 19:25

Khaileaung salo y prau nai cheaungkhang hawi adym ang deng leaunghawira awm nai khumichi py, mary i awm nai khumi bawibawichi ai py taphra be bo.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 18:13

Hunai baly Areng my, Israela chengchi ly ka-jei hawi parai naichi sa u! Jangni y hina naichi tym vai a?, nanai khumi cheng cheaungkhangchi teng y deng u cham.

JEREMIA 20:16

Huni khumichi ly kapahenra pipi by y naimy Areng my taphra nai marychi kamta lawm na sy. Tapen y rai khala my kai ai padei y nai deaungkho y, ni ly khawn mang y no hang nai katyn py, kanithun y tavai tareng nai katyn py thai sy.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

JEREMIA 29:23

Hini ly nichi i vui khym taham lawm ai; ati mana nai mo nabaly khri pa-rei kamngo sa u nai deaungkho y ne. Nichi ly ami i aju chanauchi ai taphra u iy, Areng i amyn y ka-chawi leu thui u bo. Huna nai sa naichi ly Areng i kangai hawi amlau y. Mymy ly nichi i sa nai saichi ai chaipyn pa-rei pany nai keung ne. Hini ly kai, Areng i thui nai leu ne,” napi.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

JEREMIA 49:18

Sodom mary, Komora mary hawi, tengpang sahawi i avangchi ly taphra naira avum nai kamta, Edom pri py avum teang ai. Neng tanareichy malawn py, huni pri y awm ai nai leaungrei py awm ai ny y. Hini ly kai, Areng i thui nai leu ne.

TANGAM NAI LEU 4:6

Kai i khumichi ly Tameuh i kiu y vaimy phra seaungkhrang naira avum nai, Sodom mary tleaung y pajeng naira avum.

Ezekiela 13:16

Jerusalem mary ly cheaungkhangra y hawi angym nai by y pui naimy, paleung mei y hawi angym naira niu bo, nanai thui u nai amochi ly mary apaichi kamta taphra u veng bo,” nanai nangchi teng y kang thui pi ai! Hini ly sa thai naira angym nai kai Areng i thui nai leu ne.

Ezekiela 13:19

Chohpui chamaw nei kiukawirei hawi tako maidenreichy nga ai nai molam y, kai i khumichi i mo y kai ai tahm khai u y. Nangchi ly padei ai ataing y nai khumichi ai padei u iy, padei ai ataing naichi ai kangheng khai u lawh; hunai deaungkho y nangchi ly kai i khumichi ai li-tapawp i nichi ly ym u bo,” napi.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

HOSEA 6:10

Israela khumichi i amso ngai nai kalop ai, kai ly niu nai ne. Kai i khumichi ly mynchi ai chiu u iy, mymychi ai chai nem hai y bo.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

MIKHA 1:5

Israela chengchi ly kamngo sa iy Tameuh ai tiu u nai deaungkho y, hina nai kamta avum u ai. Israela chengchi my tiu nai molam y, ami ai neng hai ai mo? Samari mary pui ny y a? Juda chengchi my chiu nai asang nai meingtym ly ma mang y mo? Jerusalem mary pui ne na a!

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

MALAKHI 1:1

Hini leu pei nai ly Israela chengchi teng y thui pi ai nai Malakhi teng y, Areng my pei nai leu ne.

MATTHAI 11:24

Na i py kang thui pi, tara chih nai kani y ly nang tleaung y ly Sodom pri i patang ai nai ly hawi kyh alam ai,” napi.

Leu Thui Nai 32:32

Nichi i paleung ka-echi ly Sodom mary, Komora mary kamta phra nai, khota iy paleih thai nai athaichi athai nai kreip angjyn keung kamta py,

I TIMOTHEI 4:2

vawinamchi i patiu nai leu dawn iy, ym naira ai ly hi vui ai, nanai Phailo my ly chai pyn nai pa-rei thui bo; huni ka-chawi thui naichi ly mymychi i hawi nai hawi y nai pany naira kypkyp y tamo kangngo y akeaung nai kamta awm bo;

II PETERA 2:6

naibaly Sodom hawi Komora avang ai ly mymy ai tahm khai y naichi i vui y pany hai naira palawn i maiphu lawn hai iy tama hai naira y pasum baly:

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 11:8

Naibaly nini i Areng ai kraws tleaung y tahen naira, phailo mang i dawn pata naira y ly Sodom hawi Aikupta napi nai avang kalen pui i lam ly nini i veu awm hawi ai.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.