JEREMIA 23:13 - Khumi Common Language Bible

¹³ Samari mary y awm nai amochi i amso ngai nai ly kaniu bo. Nichi ly Bala tameuh i amyn y leu thui iy, kai i khumi Israela chengchi ai lam tamang hai u nai ne.

JEREMIA 23:13 ပူးပေါင်းရင်းမြစ်များ

1 ARENG KEH 18:40

Elija my, “Bala i amochi ai patiu u; leaungrei py tleaung moh sy!” nanai leu pei bo. Khumichi ly amo bawibawichi ai patiu iy, Elija ly nichi ai Kishon micheaung mang y pahawi i, tleh chau chau nai ne.

2 NENG SATANG 33:9

Manase ly Israela chengchi kun u nai thym khala y, Areng my patheu pi pawn nai khumichi tleaung y khri pa-rei kamngo sa ai nai, mymy i khumichi ai lam patei bo.

ISAIA 9:16

Hini khumichi ai lam patei nai khumichi ly lam kateng patei y i, paleung khrukhra hai reng.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

HOSEA 4:11

Areng my, “Kai i khumichi ly kreip hang kangngym, kangtha nei cha pavui u nai deaungkho y, pany thai nai ka-dawn tama!

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

MIKHA 1:5

Israela chengchi ly kamngo sa iy Tameuh ai tiu u nai deaungkho y, hina nai kamta avum u ai. Israela chengchi my tiu nai molam y, ami ai neng hai ai mo? Samari mary pui ny y a? Juda chengchi my chiu nai asang nai meingtym ly ma mang y mo? Jerusalem mary pui ne na a!