JEREMIA 22:24 - Khumi Common Language Bible

²⁴ Areng ly Jehojakim i chapo Juda samrang Jehojakhin ai, “Nang ly kai i lamtang kiu y awm nai pajawp typ nai ka-ma-ra kiusabyh ne lawh teu i py, kai ly Tameuh kangheng ne nai y, kai ly nang ai kang pajiu vui ai.

JEREMIA 22:24 ပူးပေါင်းရင်းမြစ်များ

2 ARENG KEH 24:12

Samrang Jehojakhin ly my i amhm, chapochi, tavai luchi, samrang yhm miteaung kehchi hawi vanrei, Babulon tavaimichi teng y tamawi aseih bo. Nebukhadnezar ly my i peang nai saneng tajarei awm nai khala y, Jehojakhin ai langheng hawi i,

2 ARENG KEH 24:15

Nebukhadnezar ly Jehojakhin hawi vanrei amhm ai py, ajuchi ai py, bangtangchi ai py, Juda chengchi ai lu sa nai keungchi ai py, Babulon pri mang y hawi pawn nai ne.

1 NENG SATANG 3:16

Jehojakim ly Jehojakhin hawi Zedekiah napi nai chapo leaung nyhrei awm nai ne.

2 NENG SATANG 36:9

Jehojakhin ly saneng holai tajarei awm nai khala y, Juda pri samrang lawm i, Jerusalem mary y lo thomrei peang nai ne. Ni py Areng i tlang tleaung y kamngo sa.

Solomon i khulym 8:6

Kai ai ny y baly takhra ami ai py khrei moh; Kai ai ny y baly takhra ami ai py takawi moh. Khrei nai paleung ly dei nai kamta sa thai naira awm; khrei nai mai ly tavau saleaung kamta atho awm. Huni ly vaimy angveaung ryp iy, atho awm nai mai kadeu kamta, kang hai pajau nai ne.

ISAIA 49:16

Aw, Jerusalem mary, kai ly nang ai mana khala py tami pajau y! Kai i kiu padawi y nang i amyn tajiu kheng bo.

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 22:6

“Kai i vui Juda samrang i yhm ly Kilead pri kamta py, Lebanon mawi saleung kamta apu i py, kai ly huni meingtym ai khumi angso savai tlang nai daichi ka-vym lawm hai ai.

JEREMIA 24:1

Areng ly Achura yhm mo y panui nai thaidu athai teaung nyhrei kai ai patei nai ne. (Huni neng ly Babulon samrang Nebukhadnezar ly Jehojakim i chapo Juda samrang Jehojakhin ai Juda miteaung kehchi, Kupe kakawpchi, kalopra y kawp keh nai khumichi hawi vanrei, Jerusalem mary i dengdairei Babulon pri y langheng hawi nai bo i neng ne.)

JEREMIA 28:4

Kai ly Jehojakim i chapo Juda samrang Jehojakhin ai py, Juda pri i dengdairei Babulon pri mang y abawi jo nai, langheng hawi nai khumichi hawi vanrei, kahawi ali teang ai. Ne, Babulon samrang i sa thai naira kataphra takengkei ai. Hini ly kai Areng i thui nai leu ne,” napi.

JEREMIA 29:2

Kai ly samrang Jehojakhin, huni samrang i amhm, samrang yhm i miteaung kehchi, Juda pri hawi Jerusalem mary i luchi, kupe kakawpchi hawi kalop kawp keh naichi ai pri pala chum nai bo y tajiu nai cha ne.

JEREMIA 37:1

Babulon samrang Nebukhadnezar ly Jehojakim i chapo, samrang Jehojakhin i jeng y, samrang Josia i chapo Zedekiah ai samrang y palyn bo.

HAKAI 2:23

Kai i miseaung tatang Zerubabela awi, huni kani y kai ly nang ai kang la ai i, kai i jeng y peang hai ai. Nang ly kaimy vawi takhra nai khumi ne,” napi bo. Hini ly ati cheaungkhang sa thai nai Areng my thui nai leu ne.