JEREMIA 22:22 - Khumi Common Language Bible

²² Nangchi ai lu sa nai keungchi ai ly ali y pakheang pawn ai. Nangchi i amsawi amnaichi ly langheng y patiu nai avum u ai. Nangchi i sa nai hawi y nai saichi molam y nangchi i mary ly tahm anem iy kangji nga ai.

JEREMIA 22:22 ပူးပေါင်းရင်းမြစ်များ

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

JEREMIA 10:21

Kaimy, “Achi i lu sa naichi ly khumi aso y naichi ne. Areng i lam patei nai ai hnei y. Hunai deaungkho y nichi ly tau eaung naira ngo y i, achi i chengchi ly ahei u akyhkyh nai ne.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 2:37

Nang ly kangji nga naimy kaneaung akhei ngawm iy, Aikupta pri i dengdairei vawi ali teang ai. Kai Areng ly nang i paleung pado nai khumichi ai khai su bo. Nichi teng i nai nang ly ati kamran py nga ai ny y.”

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 4:30

Aw Jerusalem mary, nang ly taham si! Nang ly ati mana nai ateaung kamsen jeaung amthyp lawh mo? Ati mana nai y vang kateng lengseaungchi amthyp iy, nang i meichi ai an pathym lawh mo? Nang ly nangmy ai atyhtyh naimy ka-pu sa lawh ly! Nang i tavawichi my nang ai ang khai su veng bo. Nichi ly nang ai padei ai nai ngai u nai ne.

JEREMIA 5:13

Nichi my, “Amochi i leu ly ali cheichei teu; nichi thui ai nai Areng i leu pei nai ati sai py by y leang. Nichi i thui nai kamta nichi teng y tym sy,” napi u.

JEREMIA 7:19

Na i py paleung aleng tatang nai ly kai a? Ny y leang. Nichi naini mychi i paleung aleng hai iy, kangji nga u nai ne.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 4:19

Nichi ly ali aho naira y akheang jo nai kamta, ahei u dan ai. Tameuh takhrachi teng y apathyp u nai deaungkho y, kaji u ai.

ZEKHARIAH 11:17

Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.