JEREMIA 22:17 - Khumi Common Language Bible

¹⁷ Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 22:17 ပူးပေါင်းရင်းမြစ်များ

1 ARENG KEH 21:19

Kai Areng my, ‘nang ly khumi ai padei nai bo y, ni i vawn la pi vui ai a?,’ nanai ni teng y thui pi; ‘Naboth i thi uichi my palei nai meingtym y, nang i thi py palei u ai,’ nanai thui nai leu py ni teng y amti pi!” napi.

2 ARENG KEH 23:37

Jehojakim ly my i amsi pajochi sa nai kamta sa i, Areng i tlang tleaung y kamngo sa.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

2 NENG SATANG 36:8

Jehojakim i amso ngai hawi nai sa nai saichi hawi, hawi y naira sa naichi raurei, ni i takhra sa nai leaung sai bawibawichi ai Juda samrangchi i cha-iu theung y tajiu pi typ nai ne. Ni i chapo Jehojakhin ly ampo i meingtym y atym i, samrang lyn bo.

JOBA 31:7

Tumbaly kai ly lam kateng envui lawh baly, hawi y naira mang y abang lawh baly, kai i kiu y chainem y nai abawi lawh baly,

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

LEU KACHENG 24:2

Nichi ly ajo athui ai naini dawn u khyh. Khumi takhrachi i tlang tleaung y rai naira tym hai ai naini, avawrei katheu u reng nai ne.

ISAIA 56:11

Nichi ly cha nai paleung anyp pajau y, ngai ala nai uichi hawi atawm. Nichi ly ati sai py ka-dawn by y nai lu sa naichi ne. Mychi kangai sa akyhkyh iy, amy i vui y kamran hau u khyh naichi ne.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 19:6

Ni ly tleaungri acheang iy atho awm nai khala, takhra khrangsichi hawi vanrei teicha hau ai nai amki naimy, amso mawi kei kawp ai nai amtiu iy, khumi ngan cha nai khrangsi lawm teang.

Ezekiela 19:7

Ni ly amtangrachi panawi iy marychi taphra bo. Ni my hang nai tleirei y khumi mipuichi ly jei hyn naimy kaso theu u nai ne.

Ezekiela 19:9

Naibaly ni ai tamo leangkhawn hawi ryh iy paeungra theung y khai i, Babulon samrang teng y syn u bo. Israela mawichi salo y ni i hang nai katyn ly vai mo mang y mana khala py thai bi y ai nai tamcheaung khai iy theaung y paeung bo.

Ezekiela 22:6

Nang teng y awm nai Israela cheng lu sa nai khumi bawibawichi ly mymychi i atho a-ym iy khumichi ai padei u nai ne.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 3:10

Nangchi ly khumi ai padei nai hawi, teng y nai sai pakhiu langdeng salo y, Tameuh i mary pui napi nai Jerusalem mary sa u bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

JOSUA 7:21

Achi my tiu iy nga nai vawnsaichi theung i, apu parai nai Babulon ateaung, tangka kaji sie palyhrei vi hawi muku beang sierei chang y kyh nai niu i, paleung no nai deaungkho y ka-um vui nai ne. Kai i Tai theung y tangka ai anui kehra y khai iy um me bo,” nanai pathang.

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

1 SAMUELA 8:3

Na i py nini ly ampo i lawi hui y; paisa tangka nga ai nai mang y naini paleung apei khyh; hunai deaungkho y unchi talam i, leu meitang tara chih pi vai y leang bo.