JEREMIA 22:15 - Khumi Common Language Bible

¹⁵ Khumi takhrachi i yhmchi tleaung y apu keh pa-rei, saitleang keung hawi yhmchi sa pajau nai deaungkho y nang ly hawi keh nai samrang lawm bo a? Nang i ampo ly amo theu parai naimy awm iy hawi naira hawi leu meitang teaung jojo nai ne. Ni i sa nai ngiereichi ly eaung naira nga.

JEREMIA 22:15 ပူးပေါင်းရင်းမြစ်များ

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

2 ARENG KEH 22:2

Josia ly Areng i kangai sa nai ne. Ni ly mymy i pajo Davida i sa nai kamta, Tameuh i reita bawibawichi ai sa patawm khyp bo.

2 ARENG KEH 23:25

Vaichi khala y, samrang Joseah kamta Mosi i Reita leu pei nai bawibawichi sa patawm iy, paleung, phailo hawi verei, ham parai naimy Areng ai chiu nai keung, samrang leaungrei py awm vai y leang. Ni bo y py awm ai ny y.

1 NENG SATANG 3:15

Josia ly Johanan, Jehojakim, Zedekiah hawi Joaha napi nai chapo leaung palyhrei awm.

2 NENG SATANG 34:2

Ni ly Areng i kangai sa; mymy i amsi pajo samrang Davida i sa nai kamta amtiu iy, Tameuh i Reita bawibawichi tangai nai ne.

2 NENG SATANG 35:22

Na i py Josia ly tavai atiu ai nai leu pacheang yb nai deaungkho y, mymy i mo ataphra naimy tavai amsa. Ni ly samrang Niko dengdairei Tameuh my pei nai leu tangai y naimy, Mekido angdymra y tavai atiu u bo.

2 NENG SATANG 35:26

Josia i Areng teng y ahihawi nai sai hawi Reita leu pei naichi tangai nai saichi py,

LEU KACHENG 20:28

Samrang ly leu meitang teaung naimy peang nai ryrei ly ni i phum-ang haiho khaw jojo ai.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

LEU KACHENG 25:5

Hawi y nai tau pei nai khumi ai ly samrang teng i dengdairei patheu vui; hunaibaly samrang ly mipui i kangai peang ai.

LEU KACHENG 29:4

Adyh adawi naira ai ngai nai samrang ly mymy i pri ai sa thai naira nga hai ai. Na i py kahm tangka nga ai nai ngai khyh nai samrang ly mymy i pri phra hai ai.

LEU KACHENG 31:9

Nichi i vui katheu pi iy, leu meitang y tara chih pi ba. Khumi kamawn kateuchi i, nga ai avo naichi ai amo hai ly kry pi ba.

Parip nai leu 10:17

Na i py amy i cheng naira hawi kalop sa nai samrang my peang iy, cho nei ala y naimy tahm akhai thai nai samrang i bangtangchi awm nai pri ly taham hawi nai ne.

Parip nai leu 2:24

Khumi leaungrei i sa ai hawi keh nai kalop ly cha naimy, nei naimy amy i haura i nga nai yhmtheaung katui amtym ai nai ne. Na i py huna nai kamta awm ai nga nai py Tameuh i saho y nga nai ne, nanai kapany bo.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 22:18

Hunai deaungkho y Josia i chapo Juda samrang Jehojakim i molam y Areng my thui nai ly “Ni dei nai khala y ami py paleung si vo tangam u ai ny y. ‘Ka-jei hawi parai na, kai i ahawi awi, ka-jei hawi parai na!’ nanai ami py aawi u ai ny y. Ni i vui y ami py vo hai ai ny y. ‘Aw kai i areng! kai i samrang,’ nanai aawi nai py awm ai ny y.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 42:6

Nang ai Areng Tameuh teng y chiu sa ai nai kang takeng u bo. Kaichi ngai i py ne sy, ngai y i py ne sy, nang i leu pei naichi kapatawm u ai mang. Mymy i leu tangai baly kaichi i vui cheaungkhangra y hawi ai,” nanai thui u bo.

JEREMIA 7:5

“Nangchi i amhi amtlau nai sai takhra hai u; vai i sa nai kamta ly so u bi moh. Nangmychi tengtawi amkawm naira y, adyh adawi naimy awm u.

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.