JEREMIA 21:4 - Khumi Common Language Bible

⁴ Israela chengchi i Areng Tameuh my Zedekiah teng y leu pei nai ly “Zedekiah awi, kai ly mary katanmeuh nai Babulon samrang hawi ni i tavaimichi ai tiu ai nai, nang i tavaimichi sum hai ai. Tavai ateaungchi ai ly mary umtang y kachu ai.

JEREMIA 21:4 ပူးပေါင်းရင်းမြစ်များ

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 13:4

Mawi salo y awm nai khumi mipuichi i raawi tangai u. Huni raawi ly khumi cheng cheaungkhangchi hawi prichi akachu u nai katynchi ne. Kani pri tavai luchi i Areng ly mymy i tavaimichi ai tavai thau hai ai nai angveirym bo.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

JEREMIA 20:4

Ati mana nai mo nabaly Areng mymy kypkyp my, “Kai ly nang ai nangmy i vui py, nangmy i ahawi i vui py, ka-jei hawi nai khumi lawm hai ai. Huni khumi bawibawichi py paleung ka-echi i haisau y dei nai nang niu ai. Kai ly Juda khumi bawibawichi ai, Babulon samrang i kiu y au ai. Ni ly huni khumi phyreichi ai my i pri y langheng y hawi ai i, phyreichi ai ly padei ai.

JEREMIA 21:3

Naibaly Areng ly Jeremia teng y leu pei bo. Jeremia ly my teng y tym nai khumichi teng y, Zedekiah ai thui hai nai ne.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

JEREMIA 33:5

Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 39:3

(Jerusalem mary ai peang vui nai khala Nerkala sareza, Shamka Nebo, Sarsekhim hawi takhra Nerkala Sarezachi raurei, Babulon samrang i bangtangchi ly umtang i katheu pa-kho mang y chei iy ateh u bo.)

JEREMIA 52:18

Nichi ly maicham pachai naira y teaung nai khaileaung veira tamo chawnchi, maicham pachai naira y teaung nai maidym khauchi, maisi yhmchi pachai naira y teaung nai ateaung alangchi, tawnbawi thi kadeng nai rahumchi, mui katui leng patlum nai khauchi hawi, Achura yhm theung y chiu sa naira y teaung nai takhra kheupaja ateaung alangchi ai py, syn u pawn nai ne.

TANGAM NAI LEU 2:3

Mymy ly khri pa-rei kado theu nai deaungkho y, Israela chengchi i atho taphra vui bo. Mymy ly paleung ka-echi tym nai thym khala, achi ai ang sabawm ai nai akhi vui. Mymy ly mai kamta angveaung naimy, ati cheaungkhang ai kang hai bo.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

Ezekiela 39:3

Naibaly ni i langvawi kiu i thailiho hawi, lamtang kiu i thailiho chynchi ai tabeang khei vui ai.

HOSEA 9:12

Na i py nichi ly cho chanauchi ai palum paveang lawh teu i py, kai ly huni deaungdichi ai padei iy, leaungrei ai py heng hai ai ny y. Kai ly nichi ai khai su nai khala y, nichi ly ka-jei awm nai patangra avum u ai,” napi.

ZEKHARIAH 14:2

Areng ly Jerusalem mary y tiu ai nai pangym iy hawi ai. Huni mary ai ly peang vui ai. Yhmchira i nai lawm vui ai i, neampachychi ai ly pajang u ai. Khumi phy ka-hyhrei ly pri pala naira avum u ai; huni bo i phy ka-hyhrei ly huni mary i nai asyh u ai ny y.

MATTHAI 22:7

Hunaibaly samrang ly kado theu i mymy i tavaimichi ai pato iy, huni khumi ai padei nai keungchi ai ly padei teang i, nichi i avang py leang pi pawn bo.