JEREMIA 21:14 - Khumi Common Language Bible

¹⁴ Na i py nang i sa naichi molam y kang pajeng ai. Kai ly nang i samrang yhm y mai kang hai ai. Huni mai ly tengpang sahawi y awm nai ngiereichi kang bebe ai. Hini ly kai Areng i thui nai leu ne,” napi.

JEREMIA 21:14 ပူးပေါင်းရင်းမြစ်များ

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 12:14

Khumi ly mymy i sa nai, katheu naichi molam y kawn vang nga; amy i sa nai molam y, hawi nai hawi y nai amtym ai.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

ISAIA 37:24

Nang ly nangmy i tavai ka-ri bawibawichi hawi asang keh nai Lebanon mawichi ai malawn py, tiu pajau nanai kai teng y amlyh ai nai savaichi pato nai ne. Huni meingtym y awm nai asang keh nai saitleang keungchi hawi, apu keh nai maicha keungchi ai paliu iy, atu thengreung pui theung y katym bo, nanai amlyh nai ne.

JEREMIA 11:16

Vaichi khala Areng ly huni khumichi ai, ngamchi angvairu iy athai kahawichi athai pasu nai olive keung, nanai amyn pathi nai ne. Na i py vai, kai ly kani pajyh nai katyn hawi huni keung i ngamchi mai leng iy changpichi khei pawn ai.

JEREMIA 11:22

Hunai deaungkho y ati cheaungkhang sa thai keung Areng my, “Kai ly nangchi i tlang tleaung y kang pajeng ai! Nichi i thawndeang ka-cheangchi ly tavai keung y dei u ai.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 22:1

Areng ly kai ai Juda samrang yhm y pato iy, samrang Davida i areng atehra y ateh nai Juda samrang hawi vanrei my i bangtangchi, Jerusalem mary i khumichi teng y thui pi ai nai leu ang pei nai ly:

JEREMIA 22:7

Huni samrang yhm taphra ai nai khumichi kapato ai. Nichi ly atiuchi syn naimy apu parai nai saitleang yhmmawm puichi ai tameang pawn iy, mai theung y aphi u ai.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 46:23

Nichi ly thengreung pa-ngeaung nai kamta tiu u bo. Nichi i khumichi ly kati lei y na pa-rei nawi nai deaungkho y, nichi i tavaimi vuikanai ly akhuchi tleaung y malawn py nawi nai ne.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

JEREMIA 6:19

Khaileaung i khumichi awi, tangai u! Hini khumichi ly kai i leu tangai y, kai i parip nai leu py khai u su bo. Hunai deaungkho y kai ly nichi nga ai ataing nai ka-jeira ly nichi i tlang tleaung y katym hai ai.

JEREMIA 6:29

Tamo nganchi patlawn nai mai pui paheung ly khri pa-rei kabi ango na teu i py, tamo ngan ei ly tlawn y iy hang py leaung y nai deaungkho y, kai i khumichi ai kakhawi kaeng kachi veangveang teu i py, kamran by y. Ati mana nai mo nabaly khumi kamngochi ai pathu pawn ai nai ngo y nai deaungkho y ne.

JEREMIA 9:25

Areng my, “Aikupta khumichi, Juda khumichi, Edom khumichi, Ammon khumichi, Moba khumichi hawi tui by y nai daichi ka-vymra y awm nai sam kadawi khai nai khumichiai, kaimy pajeng ai nai neng kani tym ai. Huni khumi bawibawichi ly Leu Maikawm Pawm ka-ma-ra lawm nai lengkhym takip teu i py, kai i Leu Maikawm ai patawm u y. Huni khumi bawibawichi hawi Israela mipuichi ly kai i Leu Maikawm patawm u y,” napi.

TANGAM NAI LEU 2:3

Mymy ly khri pa-rei kado theu nai deaungkho y, Israela chengchi i atho taphra vui bo. Mymy ly paleung ka-echi tym nai thym khala, achi ai ang sabawm ai nai akhi vui. Mymy ly mai kamta angveaung naimy, ati cheaungkhang ai kang hai bo.

Ezekiela 21:3

Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.