JEREMIA 20:18 - Khumi Common Language Bible

¹⁸ Kai ly ati mana nai y tapen lawh mo? Paleungbi nai hawi ngari kamtang avum ai nai lawn ai a? Kai i heng nai ly kangji kangai hawi deung tlum ai bo a?

JEREMIA 20:18 ပူးပေါင်းရင်းမြစ်များ

1 ARENG KEH 19:4

mymy ly kani khengrei daichi ka-vym theung y tako nai ne. Ni ly dengkeaung ka-khui hareira y tym nai khala ateh i, dei nai ly hawi keh alam ai, nanai thui iy, “Aw Areng, hina nai ly hawi y parai bo; Kai i phailo ai lo veng ba; kai ly dei nai hawi keh alam ai!” nanai chiu sa.

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 14:13

Mymy ly kai ai tavau pri y heu vui sy. Nang i kado theu nai rym nai ryrei, kai ai heu vui sy. Hunaibaly kai ai pany jo ai nai, neng khai pi takhra sy.

JOBA 3:20

Ngari kamtang avum nai khumichi ly ati mana nai y heng u lawh mo? Paleung mawn nai khumichi ly ati mana nai y kangvang nga u lawh mo?

JOBA 5:7

Mai kadeu ly mai kalichi lawm hai reng nai kamta, Khumi py amy i ngari kamtang tym hai reng nai ne.

SAM 102:3

Kai i heng nai deung ly maikhyh kamta tama vui ai i, kai i tlang py mai kamta kang naimy awm ai.

SAM 69:19

Kai ly mana tanrei mei aniu y naira avum iy, mana tanrei kangji kangai nga na mo, nanai nangmy pany nai ne. Nang ly kai i paleung ka-e bawibawichi ai niu bo.

ISAIA 1:6

Kheupadawi dengdairei lu tym pa-rei, nangchi i tlang bom verei ly tamo kalem chym y na bo. Abei ako nai tamochi, tamo kangtha, kangngymchi hawimy kawi nai ne. Huni tamo kalemchi ai pasawp iy kanih hawi bam y rai, asi py so y rai.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

JEREMIA 15:10

Kai ly amo theu naira by y nai khumi lawm lawh bo ly! Kai i amhm ly kai ai hini khaileaung pri y ati mana ang tapen lawh mo? Hini pri y awm nai khumi ngiereichi hawi leu nawi, rai ai nai tla bo. Kai ly ami teng y py paisa tangka alai ai nai pei vai y. Ami teng i py alai vai y. Na i py khumi bawibawichi ly kai ai pasawi u lawh.

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 8:18

Kai i paleung si nai rym vui pajau y. Kai i paleung ly patang bo.

TANGAM NAI LEU 1:12

Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

TANGAM NAI LEU 3:1

Kai ly Tameuh i kamngo pajeng naira mana mo, nanai pany nai khumi ne.

HABAKKUK 1:3

Nang ly ati mana nai y kaichi i tlang tleaung y, hina nai ngari kamtang hawi, hawi y naira avum hai lawh mo? Kaichi ly khrukhra naira, lawm taphra nairachi avum nai ne. Meingtym tleirei y ka-jo ka-thui hawi a-ei naichi py avum nai ne.

JOHAN 16:20

Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 10:36

Nangchi ly Tameuh i kangai sa nai bo y atiti adeu nai ly nga thai ai nai, kham tanga naira aly ngai u chy bo.

HEBRAI 11:36

khumi takhrachi my py panui hai naira hawi chip naira patang:ne, huni ny y nai py kawm nai hawi theaung y paeung nai py avum u teang;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 13:13

Hunaibaly achi ly mymy ai tahm khai y naira ai pho iy, avang yhm meaungteng y mymy teng y chei u sina.