JEREMIA 2:20 - Khumi Common Language Bible

²⁰ Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 2:20 ပူးပေါင်းရင်းမြစ်များ

1 ARENG KEH 12:32

Jeroboam ly Juda pri y sa nai pawi kamta, tajarei lo kani holai pangrei kani y reita pawi sa pi ai nai ka-vo sa. Bethela mary y mymy i sa nai muku sikatai mynchi ai maicham tleaung y apathyp u bo. Bethela mary y my i sa nai chiu sa naira yhm y kalop sa nai pathyp pi nai keungchi ai huni maryra kalop sa ai nai khai bo.

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

SAM 107:14

Mymy ly nichi ai kaveng my khiu nai theung i patheu iy, nichi ai pakheng nai sengkrychi leu hai pawn bo.

SAM 2:3

Nichi my, “Achi ly nichi my peang naira i lawi ai nai atho so u sina; nichi my peang nai ai paka u sina,” nanai thui u.

SAM 78:58

Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

THEU NAI 19:8

Naibaly khumi mipuichi my vanrei pathang krup i, “Kaichi ly Areng i leu pei nai ngiereichi kasa u ai mang,” napi. Mosi my py mipuichi i pathang nai ai Areng teng y amti pi teang nai ne.

THEU NAI 24:3

Mosi ly Israela chengchi teng y vawi teang iy Areng i leu pei nai ngierei hawi, reita bawibawichi amti pi. Khumi bawibawichi my, “Kaichi ly Areng i leu pei nai ngirei tangai mang,” nanai vanrei pathang u krup bo.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 10:27

Huni neng kani tym nai khala y kai ly nangchi ai Asuria chengchi kiu i nai law tleaung hai ai. Nangchi i tlang tleaung y mynji kang tleang hai ai ny y. Nangchi khri pa-rei chawn pa nai deaungkho y, nangchi i mynchi ly jang ai,” napi.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 30:8

Ati cheaungkhang sa thai nai keung Areng my, “Huni neng kani tym nai khala y kai ly huni khumichi i kaneaungra i tamtleang khei vui iy, nichi ai kawm nai tamo vuinawnchi su pi vui ai. Nichi ly pri takhrachi teng y miseaung achei ai ny y.

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

Ezekiela 16:28

“Nang ly takhra khumichi hawi ngai nai paleung anyp y nai deaungkho y, nang ly Asuria neampachochi hawi tamang bi bo. Na i py nang i ngai nai bym y leang rai.

Ezekiela 16:31

Nang ly lam sangum tleirei y nangmy chiu ai nai mynchi sa iy, seng meingtym tleirei y bima kalopchi sa ai nai meingtymchi sa nai khala, bima kalop sa lawh teu i py, kalang bimachi kamta vang lo y lawh.

Ezekiela 16:41

Nichi ly nang i yhmchi ai mai leang pawm iy, nang i pajeng naira avum nai sai ai, neampachy neangneangchi teng y patei ai. Nang i bima kalop hawi neampachochi teng y langseaung pei nai py, kaimy anawn hai ai.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 23:5

Ahola ly kai i aju ne teu i py bima sa veangveang nai, Asuria pri mymy i tavawichi i vui y kamleaung paleung khei y nai ne.

HOSEA 1:2

Areng ly Hosea dengdairei, Israela chengchi teng y leu pei manme nai ly “Nang ly chei iy neampachy leaungrei hawi yhmtheaung so ba. Nang i aju ly ka-ym by y nai neampachy ne ai. Nang i cho chanau py, nang i aju kamta ka-ym by y naichi lawm ai. Kai i khumichi py huna nai kamta, kai ai khai su iy leu atangai u y nai ne,” napi.

HOSEA 3:3

Nang ly bima kalop so y, takhra khumi hawi kamleaung so y naimy, kai ai kra parai pa-rei ajeng ai nai tla. Kai py ajeng ai,” nanai ni teng y thui pi bo.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

HOSEA 9:1

Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

NAHUM 1:13

Nangchi ai Asuria prichi kiu i nai law tleaung hai ai. Nangchi ai pakheng nai sengkrychi tameang pawn ai,” napi.

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 26:17

Areng ly nang i Tameuh ne, nanai, vaini nang ly pany bo; nangchi ly mymy i leu tangai ai nai py, reita leu pei naichi patawm ai nai py adeu u bo.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 5:27

Mosi awi, nangmy naini chei iy achi i Areng Tameuh my leu ang pei nai ngierei tangai ly, kaichi teng y amti pi. Hunaibaly kaichi ly leu pei nai tangai ai,’ napi u bo.

JOSUA 1:16

Nichi my Josua teng y, “Kaichi ly nang i leu pei nai ngierei tangai iy, nang i pato nai meingtym y kachei u ai.

JOSUA 24:24

Huna nai khala khumichi my Josua teng y, “Kaichi ly kaimychi i Areng Tameuh ai chiu iy, mymy i leu tangai ai,” nanai adeu u bo.

JOSUA 24:26

Josua ly hini reitachi ai Tameuh i Reita cha-iu theung y tajiu typ nai ne. Hunaibaly ni ly lengseaung pui harei la iy, Areng i meingtym kachai awm nai Taru keung anui y leng bo.

AMTENG HAI NAI 17:1

Naibaly khau saryhrei syn nai kani pri i amtaw thau nai leaung saryhrei theung i leaungrei ly kai teng y jeui, “jeu ly, tui neangneangra y ateh nai neampachy kamleaung ai tara chih nai ly kang khen hai ai.

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.

TARA CHIH NAI KEUNGCHI 2:13

Nichi ly Areng ai chiu nai kalop khai su iy, Bala tameuhchi hawi Asatare tameuhchi ai chiu u bo.

1 SAMUELA 12:10

Naibaly nichi ly sabawmra nga ai nai Areng ai palau u i,’ Kaichi ly kamngo sa tamang u bo; Areng ai khai su iy Bala tameuh hawi Asatare tameuh nu i mynchi ai chiu u. Kaichi ai paleung ka-echi kiu i nai atleu pi kyh ba; kaichi ly nang ai kang chiu u ai!,’ nanai takeng u bo.