JEREMIA 18:21 - Khumi Common Language Bible

²¹ Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 18:21 ပူးပေါင်းရင်းမြစ်များ

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

SAM 63:10

Nichi ly tavai keung y dei u iy, veu ai ly kasuichi my cha ai.

SAM 63:11

Tameuh ly samrang ai eaung naira pei nai deaungkho y, samrang ly amo theu ai. Tameuh i amyn y leu adeu nai khumi bawibawichi ly mymy ai palo u ai; na i py ka-chawi leu teaung nai khumichi i labeaung ly amkyn me ai.

THEU NAI 22:24

Kai ly kado theu nai deaungkho y, nangchi ai tavai keung y dei hai ai. Naibaly nangchi i ajuchi ly neampachy lumai lawm ai i, nangchi i chanauchi py nuro nukai cho lawm u ai.

ISAIA 13:18

Mychi i thailihochi hawi thawndeang deaungdichi ai ko iy padei u ai. Nichi ly deaungdi chymplei naichi ai pahyp ai ny y. Deaungdichi ai py pahen ai ny y.

ISAIA 9:16

Hini khumichi ai lam patei nai khumichi ly lam kateng patei y i, paleung khrukhra hai reng.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 12:3

Na i py aw Areng, nang ly kai i satang pany; kai i sa nai saichi py niu, nang ai mana tanrei kang tamen mo, nanai py nang pany. Huna nai hawi y nai khumichi ai tleh ai nai beramchi kamta, patheu jo bo. Padei nai neng tym y ryrei ly nichi ai khen patawm bo.

JEREMIA 14:16

Nichi i thui nai leu tangai u naichi py, nichi kamta dei u teang ai. Tahum takang hawi tavai takai deaungkho y, nichi i veuchi ly Jerusalem mary i lamchira y khai su ai. Hunichi ai amichi my py up ai ny y. Aju chanau raurei, nichi bawibawi py hunai kamta lawm u ai. Mychi i hawi y nai lai y, mychi ai kapajeng ai,” napi.

JEREMIA 15:7

Ali y akheang nai choh ali maidym kamta nangchi ai hini pri i mary tlei tleireichira y ahei hai pawn bo. Kai i khumi nangchi hawi, nangmychi i cho chanauchi raurei, kaimy tamyh pawn ai; ati mana nai mo nabaly nangchi ly nangmychi i hawi y sa naichi khai su y nai deaungkho y ne.

JEREMIA 15:8

Kai ly nangchi i neampachychi ai lumai lawm hai i, pangli spryh tleaung y py nawi bo. Kai ly deaungdichi ai hawi thym khala my kapadei pawn nai deaungkho y nichi i amhmchi ly vo tangam u bo. Nichi ly vaimy kaso theu u i, paleung bi, paleung mawn u nai ne.

JEREMIA 50:30

Hunai deaungkho y nichi i neampacho kacheangchi ly mary lamchira y tleh nai avum u ai. Nichi i tavaimi risa bawibawichi py, huni kani y tamyh naira avum u ai. Hini ly kai Areng i thui nai leu ne.

JEREMIA 9:21

Dei areng ly achi i thaibeng pa-kho mang dengdairei, achi i yhm puichi theung y ang kun nai ne. Nichi ly lamchira y awm nai deaungdi chochi hawi, seng meingtym y awm nai thawndeang deaungdi ka-cheangchi ai padei bo.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

TANGAM NAI LEU 5:3

Kaichi i ampochi ai ly paleung ka-echi my padei be bo i, amhmchi ly lumaichi lawm u bo.

Ezekiela 16:38

Kai ly nang ai ami i yhm hlau taphra nai hawi, khumi ai padei nai molam y kang pajeng ai. Kai ly khri pa-rei kado theu i, kang khen pajau y nai deaungkho y, nang ai vawitheung tha iy kang padei ai.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

AMOS 4:10

“Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

II TIMOTHEI 4:14

Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

1 SAMUELA 15:33

Samuela my, “Nang i haisau hawi, amhm neangneangchi ly mychi i chanauchi sum u bo; huna nai y vai, nang i amhm py, my i chapo sum ai,” nanai thui i, Akad ai Kilakala mary i maicham mo y tawp piupa bo.