JEREMIA 18:20 - Khumi Common Language Bible

²⁰ Hawi naira ai hawi y naira my atleu pajau na a? Na i py nichi ly kai tla ai nai hum angawm tai u lawh. Kai ly nang teng y jeu iy nichi ai kado theu hai y ai nai, nichi i jeng y kang takeng nai ly pany pi jo kyh ba.

JEREMIA 18:20 ပူးပေါင်းရင်းမြစ်များ

JOBA 6:27

Nangchi ly nuro nukai chochi ai malawn py, miseaung palawn u ai nai tambe va iy, la ai nai khumichi ne. Amychi nang chawn ai nai molam y ahawi kamrawichi ai malawn py, ka-jo ka-van sa ai nai khumi ne u lawh ly!

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

SAM 119:95

Khumi hawi y naichi ly kai ai padei ai nai ajeng u teu i py, kai ly reita leu pei naichi adawn pasym jojo ai.

SAM 35:12

Nichi ly kai ai kahawi palawn u y bo. Hunai deaungkho y kai ly khri pa-rei paleung phra nai ne.

SAM 35:7

Nichi ly atyhtyh naimy kai i vui deaung pateung iy, kai ai patiu ai nai angawm kathiu tai u bo.

SAM 38:20

Kai ly kateng sa ai nai atho sa nai deaungkho y, hawi naira ai hawi y naira hawimy patlai reng nai khumichi ly kai ai ka-awi sa u bo.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

SAM 7:15

Na i py nichi ly angawm thiu parai pa-rei tai iy, mychi i tai nai angawm theung y mychi tla u nai ne.

LEU KACHENG 17:13

Hawi naira ai hawi y naira hawi, patlai teang reng nai khumi i yhm ly hawi naira awm ai ny y.

LEU KACHENG 26:27

Khumi takhrachi i vui deaungchi pateung pi nai khumichi ly huni deaungchira y, mymychi ai man lawh nai ne. Khumi takhra i tlang tleang y khaileaung akai hai ai nai sa nai khumi ly mymy i tlang tleaung y akai hai lawh reng nai ne.

Parip nai leu 10:8

Angawm tai nai khumi ly huni angawm theung y tla reng; lengseaung apai taphra nai khumi py pavui my patiu nai avum reng.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 14:20

Aw Areng, kaichi ly kaimychi i kamngo hawi, amsi pajochi i kamngochi molam y ahui bo mang. Kaichi ly nang i tlang tleaung y katamang u lawh bo.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 17:18

Kai ai pahyp y naimy ana naichi ai kangji nga hai iy, kai ai kangjira i nai lawi hai ba. Nichi teng y kaso tahyn theu nai paleung kawi hai ly kai ai ly kaso tahyn theu hai moh ba. Nichi i tlang tleaung y ka-jeira tym hai iy, nichi ai phra hai pawn ba.

JEREMIA 18:19

Hunai deaungkho y Jeremia my, “Areng, kai i thui naichi tangai pi kyh ly paleung ka-echi my kai ai ang thui nai leu tangai ba.

JEREMIA 18:22

Nichi i yhm hlauchi ai lawm ai nai khrukhra hai nai khumi kanghuchi ai pato miu ba. Nichi ly jei hyn u naimy aeu u na sy. Nichi ly kai tla ai nai hum angawm tai u bo. Kai i vui deaung py pateung u bo.

JEREMIA 27:18

Huni khumichi ly amo tatangchi ne iy, kai i leu nga nai keungchi ne lawh teu baly, Jerusalem mary Achura yhm hawi samrang yhmchira i awm asai rai nai yhmtheaung katuichi ai Babulon pri mang y tawn vui y ai nai, ati cheaungkhang sa thai nai keung kai, Areng teng y takeng u na sy,”

JEREMIA 5:26

“Kai i khumichi theung y khumi hawi y naichi awm. Nichi ly deaung hawi tavochi ai patym nai khumichi kamta, khumichi ai patiu ai nai amo u yb bo.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

TANGAM NAI LEU 3:59

Kai i avum nai teng y nai saichi nang pany i, kai ai meimai khen ly tara chih pi kyh ba.

JOHAN 10:32

Naibaly Isu my nichi teng y, “Ampo teng i nai atiti kahawi sa naichi neangneang ly kang patei bo; huni atiti sa naichi theung y mani nai y mo kai ai lengseaung y aphi ai tau u nai ly?” nanai pathang.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

1 SAMUELA 19:4

Jonathan ly ampo Sawla teng y, Davida ai palo naimy thui pi nai ly “Samrang awi, nang i miseaung Davida i tlang tleaung y tamang naira so moh; ni ly nang ai mana khala py, tamang vai y leaung; nang ai py tiu vai y leang. Ni i sa nai ngiereichi ly nang i vui kasabawmra lawm nai ne.